Ҳамид Актамов: "Ҳар иккала жамоа бир-биридан ёмон ўйнади"
28 июл 2016 23:50
Янгиликлар
![](https://championat.asia/upload/storage/216863_original.jpg)
![](/upload/storage/216863_220.jpg)
Ҳамид Актамов: "Ҳар иккала жамоа бир-биридан ёмон ўйнади"
Олий лиганинг биринчи давра доирасидаги қолдирилган беллашув "Локомотив" - "Қизилқум" (2:0) учрашувидан сўнг меҳмонлар бош менежери матбуот анжуманида ўз фикрлари билан ўртоқлашди.
- Ўтказиб юборилган голларни ҳимоядаги хатоларимиз эвазига йўқдан жойдан олиб келдик. Жамоамизнинг ҳимоя чизиғи панд бермоқда. Бу борада селекция ишлари давом этмоқда. Ҳамза Каримов ҳали жароҳатидан тўлиқ фориғ бўлгани йўқ. Алишер Юсупов ҳам жароҳати туфайли бугунги ўйинни ўтказиб юборди. Тошкентдан ҳеч бўлмаганида бир очко билан ортга қайтишни истагандик. Бугун рақиб бизга ўйнашга имконият берди. Ҳар иккала жамоа ҳам ушбу беллашувда яхши, сифатли футбол намойиш этиб беролмади. Жамоалар бир-биридан ёмон ўйнади.
Жамоамизга янги келиб қўшилган футболчилар энди асталик билан янги муҳитга киришиб кетишмоқда. Дастлабки расмий баҳс бўлгани учун камчиликлар бўлди. Тез орада янги футболчилар жамоамизга мослашиб кетишади, деган умиддамиз.
Эркин Бойдуллаевни сардор қилиб тайинлаганимиз бу барчанинг танлови. Бойдуллаев эришган ютуқлар, қўлга киритган муваффақиятлари жуда катта. Шу боисдан Эркин Бойдуллаев жамоа сардори сифатида ўйнашга ҳақли, сардорлик боғичи билан ўйнашга арзийдиган футболчи, деб биламан.
Жасур Ҳасанов расман жамоамиз сафига ўтди. Трансфер масаларини ҳал этдик. Ҳасанов тиббий кўрикдан ҳам муваффақиятли ўтди. Кейинги учрашувдан бошлаб жамоамизга ёрдам бериши мумкин. Ҳасанов иккинчи давра ўйинида ҳам "Локо"га қарши ҳаракат қилмайди. Бу шартномада кўрсатилган. Эътироз? Кимгадир алоҳида эмас, бутун жамоага эътироз билдиришим мумкин. Ҳимоядаги оддий хатолар эвазига мағлуб бўлдик.
Ўхшаш янгиликлар
20:19
Қирғиз Республикаси – Ўзбекистон баҳси ўтказиладиган стадионда реконструкция ишлари давом этмоқда 6
00:13
Жағ синди, футболчи қамоқда, мураббийлар ҳайдалди. Қирғиз клубидаги воқеа кўпчиликни шокка туширди 5
![AMP Logo](https://championat.asia/image/logo-amp.png)
Фикрлар