Гвардиола Эдерсон билан боғлиқ вазият ҳақида: "Агар футболчи кетишни истаса, у кетиши керак"
17 авг 2025 12:45
Янгиликлар

Гвардиола Эдерсон билан боғлиқ вазият ҳақида: "Агар футболчи кетишни истаса, у кетиши керак"

"Манчестер Сити" бош мураббийи Хосеп Гвардиола дарвозабон Эдерсоннинг клубни тарк этиши ҳақидаги саволга жавоб берди.

Бразилиялик футболчи Англия чемпионатининг 1-туридан ўрин олган "Вулверхэмптон"га (0:4) қарши ўйин қайдномасига киритилмади.

"Бугун менда маълумот йўқ. Кеча унинг касал эканлигини кўрдим, гастроэнтерити бор экан. Шундан кейин Уго [Виана] ("Манчестер Сити" спорт директори) билан гаплашмадим.

Мен ҳар доим агар футболчи кетишни истаса, у кетиши керак деган позицияда бўлганман - лекин клуб шартлари асосида. Агар у бахтсиз бўлса, бу ерда қолишдан маъно йўқ. "Барселона"да ишлаганимдан бери шундай деб ўйлайман", - деди Гвардиола.

Аввалроқ ОАВда Эдерсонга "Галатасарой" клуби фаол қизиқиш билдираётгани ҳақида хабарлар тарқалган эди.

Дарвозабон "шаҳарликлар" сафида 2017 йилдан буён ўйнаб келмоқда. Футболчининг клуб билан амалдаги меҳнат шартномаси 2026 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 20 млн еврони ташкил этади.

Ҳавола :

Манба : The Guardian

Янгиликларни Телеграмда ўқинг!

Рейтинг: +3