"Ғиждувон" Биринчи лигада иштирок этмайди. Сабаби ҳам маълум
14 мар 2024 12:45
Янгиликлар

"Ғиждувон" Биринчи лигада иштирок этмайди. Сабаби ҳам маълум

Бу ҳақда клуб 13 март куни ПФЛга расмий хат йўллади.

Унда жамоа ҳомийси “Бухоро Агрокластер” МЧЖ молиявий томондан мураккаб аҳволда эканлиги ва бу ўз навбатида "Ғиждувон"га таъсир қилаётгани баён қилинган.

"Ғиждувон" клубига жорий йилнинг 17 январь санасида ЎФА тегишли қўмитаси томонидан трансфер тақиқи қўйилган. У 10 январь санасига қадар барча қарздорликни бартараф этиш масаласини ҳал қила олмади. Клуб ПФЛга йўллаган хатида айни вақтда 600 миллион сўмдан зиёд қарздорлик мавжуд эканлигини кўрсатган. Уни бартараф этиш ва қўшимчасига янги мавсумда иштирок этиш имконсиз ҳисобланади.

"Ғиждувон" 2013 йилдан буён Лига мусобақаларида иштирок этиб келаётганди. Клуб ўз хатида 2024 йил танаффусга чиқиб, 2025 йилдан мусобақаларга қайтмоқчи эканлигини маълум қилган. Бироқ бу қандай асосларга кўра амалга оширилиши мумкинлиги ПФЛ учун катта жумбоқ ҳисобланади.

"Янгиер" Биринчи Лигада ўйнамайди

Ҳавола :

Манба : pfl.uz

Янгиликларни Телеграмда ўқинг!

Рейтинг: -3