UZ

Сўнгги янгиликлар

Германияда ўйнаётган ўзбекистонлик футболчи билан эксклюзив интервью Янгиликлар

Германияда ўйнаётган ўзбекистонлик футболчи билан эксклюзив интервью

Кўпчилик легионер футболчиларимиз ҳақида эшитганмиз, билганмиз.

Германия U-17 Бундеслигасида ўйнаётган ёш футболчимиз ҳақида эшитганмисиз? Унинг ютуқларини эшитиб алоқага чиқдик ва интервью қилишга қарор қилдик.
Танишинг, Шоҳжаҳон Хайриллоев 2003 йилнинг 27 январь куни Бухоро шаҳрида туғилган. Амплуаси ҳужумчи. Ҳозирда Германиянинг “Карлсруэ” U-17 жамоасида тўп тепмоқда. Германиянинг “Карлсруэ” жамоаси 2-дивизионда иштирок этади. У ўтган мавсум Германия 3-дивизиони жамоаси сафида 12 ўйинда 15 та гол урганди. 2020 йил январь ойида Шоҳжаҳон “Карлсруэ” клубига кўчиб ўтди.

- Ассалому алайкум Шоҳжаҳон. Қисқача миллионлар ўйинига қандай кирганингизни айтиб берсангиз.
- Ассалому алайкум. Кичкиналигимдан футболга бўлган меҳрим ўзгача бўлган. Ҳамма болалар сингари маҳаллада кўча чангитиб футбол ўйнаганман. Кейинчалик эса мураббийимиз Фарҳод Неъматович қўлларида футбол сир асрорларини ўрганишни бошладим. Бухоро шаҳридаги “Ситора” клубида ҳам тўп тепдим. 13 ёшимда эса “Бунёдкор” академиясига йўл олдим. Академияда 4 йил футболўйнадим. Кейинчалик Ўзбекистон U-18 чемпионатида иштирок этдим. Жасур Жалолиддинов жамоадошим эди. Кейинчалик у асосий таркибга йўл олди.



- Ҳар бир футболчи ҳаётида легионер бўлишни хоҳлайди. Сизнинг Германияга кетиш тарихингиз қандай бўлган?
- Ҳа, ҳар бир футболчи ҳаётида легионер бўлишни, Европада ўйнашни хоҳлайди. Мен ҳам Бухорода ўйнаб юрган кезларим легионер бўлишни орзу қилганман ва интилганман. “Бунёдкор” таркибидаги халқаро мусобақалар эса бу орзуим амалга ошиши учун ёрдам берган. “Қалдирғочлар” таркибида Қозоғистон, Россия давлатларида ўтган мусобақаларда ютуқларга эришганман. Қозоғистондаги мусобақада “Энг яхши тўпурар” бўлдим. 2018 йилда эса агентим орқали Германиянинг 3-дивизионидаги жамоага келиб қўшилганман. Жамоа таркибида 12 та ўйинда 15та гол уришга муваффақ бўлганман. Бундеслига жамоалари таркибига кириш жуда қийин. Шу учун ҳар бир ўйинда кўпроқ гол ўришга ҳаракат қилганман. Шундан сўнг, менга Бундеслигадаги “Хоффенхайм”, “Нюрнберг”, Франкфуртнинг “Айнтрахт” клубларидан ва ҳозирги жамоам “Карлсруэ”да таклифлар келган. Шу йилнинг январь ойида “Карлсруэ” таклифини қабул қилиб, шартнома имзоладим ва ҳозирда U-17 жамоаси таркибида тўп тепмоқдаман.

- Ўйнаётган клубингиз ҳамда у ердаги шароитлар, машғулотлар ҳақида айтиб берсангиз?
- “Карлсруэ”U-17 жамоасидаги шароитлар Бундеслига асосий таркибдаги шароитлари билан тенг десам адашмаган бўламан. Жамоада 6 нафар легионер футболчилар бор. Улар Туркия, Франция, Греция давлатларидан. Ҳар бир футболчига ўзгача эътибор. Машғулотлар жуда қизиқ ва асосан футболчиларнинг жисмоний ҳолатини яхшилашга қаратилади. Доимо шифокорлар назоратидамиз. Ўйинлардан олдин ва кейин тикланиш машғулотларини бажарамиз. Шароитлар жуда ҳам зўр. Германияда футболни севишади. Биз ёш жамоа бўлсак-да, минглаб мухлислар стадионга ташриф буюради.



- Пандемия даврида футбол тўхтади. Германия Бундеслигаси эса қайтиш арафасида. Сизларда аҳвол қандай?
- Карантин пайтида бир ой машғулот қилмадик. Лекин бу дам олиш дегани эмас. Мураббийларимиз режа асосида уйда индивидуал машғулот олиб бордик. Тренажёр залларида шуғулландик, югуриш машқларини бажардик, умуман олганда тўпсиз ишладик. Ҳозирда эса машғулотларга қайдик. 24 футболчини 5 гуруҳга бўлишди ва орадаги масофа 2 метр бўлган ҳолда, 2 мураббий, 5 та футболчи битта майдонда машғулотларни давом эттирмоқдамиз. Бундеслига 16 май куни қайтади. Лекин ёшлар Бундеслигаси қачон бошланиши номаълум. Ҳозирда кичик гуруҳларда тайёргарликни давом эттирмоқдамиз.

- Сизни ўрганиш давомида сизга Европанинг бир қатор номдор клубларидан қизиқиш бўлганлиги ҳақида хабар топдим. Буларнинг орасида Туркиянинг “Галатасарой” клуби ҳам бор экан.
- Ҳа, агентим орқали бир қатор клублардан қизиқиш бўлгани ҳақида эшитдим. Ҳозирда мени “Карлсруэ”жамоаси билан 2 йиллик шартномам бор. Бу ерда усишда давом этмоқчиман ва жамоамга ёрдам беришни истайман.

- Ўзбекистон Суперлигасини кузатасизми?
- Ҳа албатта. Асосан “Пахтакор” ва “Бунёдкор” иштирокидаги ўйинларни кузатаман. Бу ердан фарқли улароқ, ўзбек футболчиларида жисмоний ҳолат юқори эмас. Техник томондан эса устун. Германияда футболчиларнинг жисмоний тайёргарлигига юқори эътибор берилади. Мураббийлар эса биз билан индивидуал тарзда ишлашади.



- Қайси футбол клуби мухлисисиз ва севимли футболчинигиз ким?
- “Барселона” мухлисиман. “Барселона”нинг ўйинларини кўриб катта бўлганман. Севимли футболчим эса Лионель Месси. Унинг ўйинларидан завқ оламан.

- Келажакдаги режаларингиз ҳақида...
- Келажакда режаларим бисёр. Насиб этса Германия Бундеслига энг кучли жамоаларнинг асосий таркибига кириш. Бунинг учун тинмай меҳнат қилишга ҳаракат қиламан. Кейинчалик эса Англия Премьер-лигасида тўп тепиш ва албатта Ўзбекистон терма жамоаси таркибида Жаҳон чемпионатида ўйнаш энг катта орзум.

- Суҳбат учун раҳмат. Сизга Германиядаги фаолиятингизда омад ва зафарлар тилаймиз. Умид қиламизки Ўзбекистон шарафини халқаро майдонларда муносиб ҳимоя қиласиз. Юртимиздаги футбол мухлисларига тилакларингиз?
- Ўзбек халқимизни улуғ Рамазон ойида сабр тоқат тилайман. Карантиндан эсон-омон чиқиб олиб, яна футбол ҳавосидан баҳраманд бўлиши тилакдошиман. Биз мухлислар учун футбол ўйнаймиз ва насиб этса Германияда ҳам Ўзбекистон байроғини баланд кўтариб юришга ҳаракат қиламан.


Дилдора Холбаева суҳбатлашди

Рейтинг: +43   

Фикрлар

+5   
16 май 11:16:57
Реал Реал
2003 йил тугилган ва 13 ёшида Бунёдкор академиясига келди, у ерда 4 йил ойнаган болса, 2020 йил болади. Бу бола еса 2018 да Германияга кеттим деган. Тушунмадим рости.
+2   
16 май 12:05:09
Samarano
Tushunmadim...futbo'lchi 17 yosh, 13 yoshida(ya'ni 2016chi yil) bunyodkorga kelibdi! U uerda 4 yil ya'ni 2020 chi yilgacha o'ynabdi. Qanday qilib 2018 chi yil germanyaga boribqo'ldi? Tugadi...
+2   
16 май 11:19:17
Fan SonHeungmin
Germaniyada shunday futbolchimiz bir ekanku biz bilmay yurgan ekanmiz.
+1   
16 май 13:43:55
<APL><MCI><DE BRUYNE>
Uzb MTJ bn Jahon chempionatida uynashni orzu qilaman deganda etim jimirlab ketdi.(Men faqat imkonsiz narsalarni eshitsam etim jimirlaydi (ALBATTA HAZIL)
+1   
16 май 12:21:25
Farhod_bek1990
Tinimsiz mehnat va omad tilaymiz ukamizga. Top darajadagi futbolchi kutib qolamiz
+1   
16 май 12:20:55
Farhod_bek1990
Tinimsiz mehnat va omad tilaymiz ukamizga. Top darajadagi futbolchi kutib qolamiz
+1   
16 май 11:31:19
SHAKHRISABZ
3-DIVIZION EKANKU, NIMAGA BUNCHA VAXIMA. O'ZI AYTIB TURIBDI, BUNIKDA RAQOBATGA DOSH BEROLMADIM DEB. ENDI UNAQAMASDE, BAVARIYA, BORUSSIYA DEYISH NOURIN.
+1   
16 май 11:18:24
♔͜͡͡☆͜͜͡ᴋ͜͜͡ ͜͡ɪ͜͡ ͜͜͡ɴ͜͡ ͜͜͡͡ɢ͜͡☆͜͡♔
Oʻzimizda oʻyinchilarni hech trenajor zalida shugʻullantirishadimi, u-23 nikoʻrdikku, boshqa terma oʻyinchilari oldida pachagʻi chiqib yotibdi, koreylaram ancha baquvvatakan
+1   
16 май 11:06:41
Ўзбеклигим фахрим
Омадингни берсин ками Бавария жамоаси асосий футболчиси бўлиш насиб қилсин
+1   
16 май 10:56:22
chechen
Xozir boshlanadi terma jamoaga chaqirish kerak dib
+1   
16 май 10:54:51
FavoredBoy
Omadingni bersin
   
19 май 17:56:02
Aleix Santo
Omadini bersin malades hozir 17 da ekan shugullanishni toxtatma 22 yowda borussiya yoki bavariyaga otiw nasib qisin wunaqa bollar kopaysin menimcha maqolani yoziwda sal notogri ketgan 4 yilmas mojet 2 yildir koriniwidan yaxwi yigit yaxwi futbolchi boladi muhim pzini ustida iwlaw
   
19 май 17:55:25
Aleix Santo
Omadini bersin malades hozir 17 da ekan shugullanishni toxtatma 22 yowda borussiya yoki bavariyaga otiw nasib qisin wunaqa bollar kopaysin menimcha maqolani yoziwda sal notogri ketgan 4 yilmas mojet 2 yild koriniwidan yaxwi yigit yaxwi fitbolchi
   
19 май 02:55:01
Abduqodir Abdurahmonov
Ey omad zor bopti bolarkanu olloxdan shunaqa bollar kopayishini soraylik orqasini kavlamasdan
   
17 май 05:49:58
Mirjalol Ismoilov
Samarano фойдаланувчининг фикрига жавоб бериш
Tushunmadim...futbo'lchi 17 yosh, 13 yoshida(ya'ni 2016chi yil) bunyodkorga kelibdi! U uerda 4 yil ya'ni 2020 chi yilgacha o'ynabdi. Qanday qilib 2018 chi yil germanyaga boribqo'ldi? Tugadi...
Nimasini tushunmadingiz? Yoshidan 2 yil urdirgan. Bizda bunaqasi modaku. Tushunish qiyin emas
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг