Germaniya 2001 yildan beri ilk marta JCH saralashida yutqazdi. 18 ta o'yinlik g'alabali seriya yakunlandi

Aziz Tukhtamuradov

1 apr 2021, 09:02

Germaniya terma jamoasi JCH-2022 saralashi doirasidagi o'yinda o'z maydonida Shimoliy Makedoniya terma jamoasiga yutqazib qo'ydi (1:2).

Bu germaniyaliklar uchun JCH saralashida 2001 yildan buyon ilk mag'lubiyat bo'ldi.

Bungacha Germaniya JCH saralashida faqatgina ikkita o'yinda mag'lub bo'lgan edi: 2001 yil Angliyaga (1:5) va 1985 yil Portugaliyaga (0:1).

Shuningdek, terma jamoaning 18 ta o'yindan iborat g'alabali seriyasi yakunlandi. Terma jamoa shuningdek 35 ta o'yinlik mag'lubiyatsiz seriya ham (30 ta o'yin, 5 ta durang) qayd etayotgandi.