Галлиани: "Хитой ҳозирги кунда энг бой чемпионат"

- "Милан" турнир жадвалида ўзидан юқори бўлган жамоалар билан ўйинда кўп очко йўқотмади. Бизда "Интер"дан устунлик бор. Айни пайтда "Рома" ва "Фиорентина" билан бир даражадамиз. Мураббий ҳар куни барча футболчиларни машғулотларда кўрмоқда. Кимнинг қандай имкониятларга эга эканлиги унга ойдин. Кимни ўйнатишни у ҳал қилади. Жамоа ҳужум чизиғида кимлар ўйнашини ҳам бош мураббийнинг ўзи билади. Луис Адриано? Бизга бу футболчи борасида Хитойдан жуда кўплаб таклифлар тушмоқда. Бошқа футболчилар борасида ҳам шуни айтишим мумкин. Ҳозирги кунда Хитой энг бой чемпионат деб бемалол айта оламан.