Футзал. Фаррух Зокиров: "Совринли ўринлар учун курашишда давом этамиз"

- АГМК жамоаси таркибида Ўзбекистон терма жамоасининг кўплаб футболчилари тўп суришини яхши биласиз. Рақибнинг савиясидан келиб чиқиб сафарда бизга осон бўлмаслигини сезгандик. Биринчи бўлим дуранг ҳисобида якунланди. Баҳсдан аввал йигитларга ҳар бир имкониятдан максимал фойдаланиш кераклигини уқтиргандим. Иккинчи бўлимга фақат ғалаба учун чиқдик. Чунки Фарғонада ўтган "Сўғдиёна" билан жавоб баҳсида мағлуб бўлгандик. Шу сабаб Олмалиқда ғалабадан бошқа йўлимиз йўқ. Лекин рақиб бугун бизга жуда катта босим қилди. Йигитларга раҳмат деб қоламан. Рақибнинг мана шу босимидан хатосиз ўта олишди.

- Ғалабага асосий сабаб сифатида нимани кўрсата оласиз ?

- "Нефтчи" раҳбариятининг футзалчиларимизга бўлган юқори ишончи уларни ғайрат ва шижоатини ошириб юборди. Бугун айнан мана шу омиллар ва ўзимизга бўлган ишончимиз ғалаба қозонишимизга сабаб бўлди дейишим мумкин. Фарғона жамоаси чемпионатда фақат совринли ўринлар учун курашади. "Сўғдиёна"дан учралган мағлубиятдаги айбимизни ювиш учун ҳам бугун астойдил ҳаракат қилдик.

- АГМК ва "Пахтакор" жамоалари айни пайтда турнир жадвалида пешқадамлик қилишмоқда. Мазкур рақибларни ҳам ортда қолдириш имкониятларини қандай баҳолайсиз ?

- Ҳозирги пайтда шу жараёнларни бошдан ўтказяпмиз. АГМК билан ўйиндан сўнг бизни Фарғонада "Пахтакор"га қарши жиддий ўйин кутмоқда. Мана шу икки ўйинда биз олтин очколар учун рақобат олиб борамиз. Биринчи ўринга кўтарилиб олишимиз, кўп жихатдан мазкур беллашувларга боғлик саналади. Насиб қилса, ўз олдимизга қўйган мақсадга эришиб фарғоналик мухлисларни хурсанд қилмоқчимиз. Яна бир бор бугунги ўйин учун шогирдларимга раҳмат айтиб қоламан.

Ҳожиакбар Жабборов ёзиб олди