UZ

Сўнгги янгиликлар

19:33"Манчестер Юнайтед" бош мураббийи: "Менга кўп футболчилар керак эмас"  0 19:05ТОП-5 қачон бошланади? Жамоалар янги мавсумга қандай тайёрланмоқда?  2 18:40Легионер посбон, Фарғонада ютган мураббий, дублга эришган футболчи ва собиқ клубига гол урган ҳужумчи — Суперлигада 16-турнинг энг яхшилари   2 18:28"Барселона" "Тэгу"ни йирик ҳисобда мағлуб этди — битта гол Рэшфорд ҳисобида  0 18:10Плетнёв, Таҳсин, Токотаев, Санчес... Суперлига 16-тур рамзий терма жамоаси   2 17:50Машинани эмас, ҳайдовчини алмаштириш керак  6 17:36Манба: Аббос Файзуллаев Конференциялар Лигаси учрашувини ўтказиб юборади  2 17:24Фарғона давлат университети стадиони Про лига баҳсига мезбонлик қилади  7 17:02Парти фаолиятини Ла Лигада давом эттиради  1 16:34Деле Алли фаолиятини якунлагани йўқ  1 16:05Магуайр "Манчестер Юнайтед" сардорлар кенгашида  0 15:42Ирландия клуби футболчи билан тузган шартномасини 4 кун ўтиб бекор қилди  0 15:17"Барча даврларнинг энг ортиқча баҳо бериб юборилган инглиз футболчиси". АПЛ собиқ футболчиси Пол Скоулзнинг буюклигини уйдирма деб ҳисоблайди  9 14:50"Арсенал" 2025/26 йилги мавсум учун учинчи либосини тақдим этди  2 14:25ЖЧ йилида ПФЛ режаларида ўзгаришлар бўлиши мумкин: ташкилот 3 та вариантни илгари сурди  4

Футзал. Дилшод Раҳматов: "Чемпионат қизиқ ўтди. Лекин терма жамоада эса ўша гап. Иккиси икки хил нарса" Янгиликлар

Футзал. Дилшод Раҳматов: "Чемпионат қизиқ ўтди. Лекин терма жамоада эса ўша гап. Иккиси икки хил нарса"

Куни кеча футзал бўйича жорий йилги Осиё чемпионати баҳсларига қуръа ташланди.

Унга кўра вакилларимиз гуруҳ босқичида Тожикистон, Туркманистон, Баҳрайн билан беллашади. Табиийки, доимгидек футзалчиларимиздан юқори натижа кутамиз. Сайтимиз мухбири Абдулазиз Искандаров билан суҳбатда бўлган терма жамоа етакчиси Дилшод Раҳматов қуръа ҳақидаги фикрларини билдирди.

- Қуръа ҳақида фикрларингиз қандай? Қайси терма жамоалар билан тўқнаш келишимизни кутган эдингиз?

- Бундай рақибларни кутмагандим. Қўшниларимиз билан бир гуруҳга тушишимиз хаёлимга келмаганди. Гуруҳимиздаги терма жамоалар тўғрисини айтиш керак Ўзбекистон даражасида эмас. Биз улардан анча олдиндамиз, деб ўйлайман. Қулай тарафи шуки, гуруҳ учрашувлари ўйинимизни кейинги босқичга янада оптималлаштиришга ёрдам беради. Рақибларни ҳурмат қилиб ўз ўйинимизни ўйнаймиз.

- Агарда финалгача борсак катта эҳтимол билан Эрон ёки Япония билан ўйнаймиз. Ўтган йилги Жаҳон чемпионатида Эрон билан қандай кураш олиб борганимизни кўпчилик кўрди. Бу сафар уларни енгиб Осиё чемпиони бўлиш вақти келмадимикин?

- Ҳали тарихда Осиё чемпиони бўлмаганмиз. Бунга жуда кўп яқин келдик. Менимча бунинг вақти келди. Эрон, Япония анча илгарилаб кетган. Уларни мағлуб этишга куч топа оламиз. Ҳаракат қилишдан тўхтамаймиз.

- Мусобақа фаворитлари маълум. Яна қайси терма жамоадан кутилмаган совға кутяпсиз?

- Таиланд ва Вьетнамни ҳам фаворитлар қаторига қўшаман. Қолаверса, Индонезия анча ўсишга эришди. Ливан ҳам бош оғриқ бўлади. Баҳодир Аҳмедов ва Нодир Элибоев бошчилигида тайёргарлик кўрдик. Ўртоқлик учрашувларида қатнашдик. Саралаш босқичида юз фоизлик натижа қайд этдик. Берамиз, деб ваъда қилишган, кутяпмиз. Рағбатлантиришса кайфиятимиз янада кўтариларди. Бизга, футзалга бўлган эътибор ЎФА томонидан қандай бўлса, натижа ҳам шунга яраша бўлади. Осиё чемпионати маҳалла турнири эмас. Ўйлайманки, яхши шароит ва ўртоқлик учрашувлари ташкил қилиб беришади. Мухлислар биздан доим юқори натижа кутишади. Ўзбекистон Жаҳон чемпионати, Осиё чемпионатларида яхши иштирок этган. Охирги 10 йилликдаги барча қитъа чемпионатларида медаль олганмиз. Бу сафар ҳам мазкур анъанани давом эттирамиз, деган умиддаман. Бу йилги Ўзбекистон чемпионати зўр ўтди. Илк бор U-18 чемпионати ўтказилди. Биринчи лигада кураш яхши кечди. "Oil Star", BMB Олий лигага чиқиш учун охиригача интиргани сақлаб қолди. Диёр Имомхўжаев футзал учун кўп ишлар қилди. Жиззах кўп турларга мезбонлик қилди. Чемпионат қизиқ ўтди. Лекин терма жамоада эса ўша гап. Иккиси икки хил нарса.

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика