UZ

Сўнгги янгиликлар

15:37Ўзбекистон - Фаластин. Асосий таркибимиз маълум, Аҳмедов ярим ҳимояга қайтди  48 15:30Гризманн келаси ёзда "Барселона"дан кетмоқчи  2 15:26Абрамов: "Фақат яхши ўйин билан мухлисларимизнинг ишончини қайтара оламиз"  20 15:05"Барселона" Суаресга ўринбосар топди  1 14:42"Интер" ва "Ювентус" "Манчестер Юнайтед" футболчиси учун курашмоқда  4 14:36Ўзбекистон - Фаластин учрашувини ЖОНЛИ томоша қилинг  19 14:10Никимбаев: "ОФК Ўзбекистон клубларига кутилмаган совға тақдим этишга қарор қилди"  27 14:07Эрлинг Холанднинг отаси "Манчестер Юнайтед" базасига ташриф буюрди  5 13:44Арманистон терма жамоаси бош мураббийи 1:9дан сўнг нималар деди?  27 13:18Жозе Моуринью немис клубини бошқариши мумкин. Бу "Бавария" эмас  6 12:51"Эвертон" РПЛдаги ҳужумчи учун 25 миллион фунт тўлашга тайёр  6 12:35Ўзбекистонлик ҳакам жаҳон чемпионатида ишлайди  11 12:23Бугун намойиш этиладиган футболга оид кўрсатувлар жадвали (Спорт ТВ, Матч ТВ, Футбол ТВ)  12 12:11"Монреаль Импакт" Тьерри Анрини бош мураббий сифатида таништирди  3 11:48АПЛ. Алан Ширернинг чемпионатдаги 12 турдан сўнг тузган рамзий жамоаси  2

Футбол орқали дунёни англашга интилаётган Бундеслиганинг ғалати мураббийи Янгиликлар

Футбол орқали дунёни англашга интилаётган Бундеслиганинг ғалати мураббийи

Кристиан Штрайх – Бундеслигадаги энг ғайриоддий ва унча машҳур бўлмаган мураббий.

Уни қуйидаги 3та сабабларга кўра олишингиз мумкин:

1. Садоқат. Штрайх "Фрайбург" клубида 1995 йилдан буён фаолият юритади: ёшлар жамоасини бошқарган, кейинроқ бош мураббий ассистенти бўлган. 2011 йилдан бери эса жамоа назоратини ўз қўлига олиб, футболчиларга устозлик қилмоқда;
2. Натижалар. 2011/12 йилги мавсумда клуб чемпионатдаги мақомини сақлаб қолди, келаси йил эса Европа Лигасига чиқишга муваффақ бўлди (5-ўринни эгаллади ва немис футболидаги энг яхши мураббий мукофотини қўлга киритди) ва Германия Кубоги ярим финалига чиқди.
3. Мослашиш қобилияти. Штрайх ёшларни тарбиялайди ва "Фрайбург" сўниб қолишига йўл қўймайди.

У ватанпарвар, кучли ва ҳурматга лойиқ инсон.

Энг муҳими — ҳаётдаги ўрни: Штрайх футбол орқали дунёни англамоқда ва буни жамоага ҳам ўргатмоқда

Штрайх учун футбол – катта фалсафадир: "Футбол – бу шунчаки футбол эмас. У одамлар орасидаги махсус алоқа. Мисол учун, болалар жамоасини олайлик: бир болакай Сенегалдан, бошқаси эса швейцариялик, аммо ҳаммаси 11-12 ёшда. Агар баҳсдан кейин улардан ким яхшироқ ўйнади деб сўрасангиз, сенегаллик бола: "швейцариялик" дейди, Швейцариядан келган ўйинчининг жавоби қуйидагича бўлишига шубҳа йўқ: "сенегаллик футболчи ҳимояда ажойиб ўйин кўрсатди". Бу яшаш учун сабаблардан бири десам, адашмайман.

Мен рюкзаким билан кўп саёҳат қилганман ва Марокаш, Ҳиндистон ва Индонезияда альпинистлик билан шуғулланганман. У ердаги пляжларда футбол ҳам ўйнаганман. Шундан сўнг, қаршимдаги берк эшиклар бирин-кетин очила бошлади. Биз у ердагилар билан нафақат биргаликда футбол ўйнадик, балки табассум қилиб, тил топиша олдик. Биз барчамиз тенг эдик".

Штрайхни Бундеслиганинг виждони деб аташади. Бу образни ўзи яратган. Матбуот анжуманида Штрайх Германиядаги қочоқлар ҳақида очиқ гапирган, инсон ҳуқуқлари тўғрисида фикр билдириб, немис клубларини ҳар қандай ирқчилик ва дискриминация каби иллатларга қарши тура олишга чақирган. Фрайбург газетаси "Badische Zeitung" у учун янги рукн очган: "Streich der Woche" [немис тилидан – "Штрайх ҳафтаси"]. Рукнда мураббийнинг турли мавзуга оид фикрлари чоп этиларди: стадиондаги аёллар, Рим Папаси ва немис грамматикаси кабилар.

Штрайх футболчиларнинг имижига умуман аҳамият бермайди — уларни фақат шуғуллантириш билан чегараланмай, ўйинчилар шахс сифатида шаклланишида уларга кўмаклашади. Айнан шунинг учун, "Фрайбург" кийиниш хонасида турли мавзудаги суҳбатлар ва сиётга боғлиқ ишлар муҳокамисини эшитиш одатий ҳолга айланган. Ҳужумчи Нильс Петерсен 2017 йилда таъкидлаб ўтган: "Биз нафақат жамоа таркибини, балки Дональд Трамп ва Реджеп Эрдоганга оид масалалар хусусида суҳбатлашамиз. Жамоамизда битта америкалик ва 2та туркиялик ўйинчи бор. Мураббий эса уларнинг фикрини билишга қизиқади. Балки устоз "AfD" бўйича [ўнг немис партияси] менинг фикримни билишни ҳам истаб қолар... Чунки ушбу партия энг кўп овоз тўплади.

Штрайх "Фрайбург" академиясида 13 йил ишлади ва муҳим усулни жорий этди: ҳар қандай чет эллик футболчи қабул қилиниши ва тизимга қўшилиши керак. Клубда 40та ходим ишлайди, улар ўйинчилар жамоага мослаша олиши борасида иш юритади. "Фрайбург" таркиби – халқаро аралашмадир: европаликлардан ташқари, кореялик, америкалик ва австралиялик ўйинчилар, иккинчи жамоада эса қозоғистонлик футболчи бор.

Штрайх академияда болаларга ўргатган учта асосий принцип ёрдамида иш олиб боради – жисмоний тайёргарлик, эътиборлилик ва ҳурмат. Ҳужумчи Винченцо Грифо тушунтиради: "Штрайх – ота тимсоли. "Фрайбург"да сиз эндигина 20 ёшга қадам қўйган бўлсангиз ҳам борингизни беришга тайёр туришингиз керак. Натижада ўзимизни худди рақиблардан 10 км кўпроқ югургандек ҳис қиламиз. Кейин эса Штрайх бурчакдан чиқиб келади ва сўрайди: "Винс, италиянлар Рождествони қандай нишонлайди?" Бу билан нима демоқчиман: у ўйинчиларда ҳам юрак борлигини унутиб қўймайди".

Штрайх экология ҳақида қайғуради ва ўйинчиларга сифатли гўшт сотиб олишларини маслаҳат беради. Энг эътиборли жиҳати, баҳсларга велосипедда боради

Штрайх ҳар бир уй ўйинлари вақтида ёки "Фрайбург"нинг машғулот базасига машинада эмас, велосипедда боради. Бунга қуйидагилар асосли сабаб бўла олади:
1) стадиондан 300 метр узоқликда яшайди;
2) соғлиғи ва экология учун қаттиқ қайғуради. У яшайдиган шаҳарни Германиянинг экологик пойтахти деб аташади. "Фрайбург" эса стадион томига ёритгичлар ўрнатган илк немис клуби саналади.

 

Штрайх тўғри овқатланиш ва табиат-атрофни муҳофаза қилиш борасида ўйинчиларга маслаҳат беради. Масалан, уларга сифатли гўштни қандай ажратиб олиш мумкинлигини ўргатади: "Биз доимо уларга яқин бўлган магазинлардан гўшт сотиб олишларини айтамиз. Футболчилар сифатли ва янги гўшт олишлари учун пуллари етади. Овқат учун пул топиш муаммо бўлмаслиги керак". Штрайх гўштни яхши ажрата олади. У болалигида отасининг гўшт дўконида ишлаган ва ўша ерда фаол ва инсонлар билан очиқ муомалали бўлишга ўрганган. 

Штрайх – немис тили ва тарих фанлари ўқитувчиси (яна 3та тил билади). У барчага бирдек тушунарли бўлиши учун Баден лаҳжасида сўзлайди

Штрайх Германиянинг жануби-ғарбида жойлашган Вайль-на-Рейне шаҳарчасида дунёга келган. У Баден лаҳжасида гапиради. Тил орқали кимлигини англайди ва бошқаларни тушунишга ҳаракат қилади: "Бу ўзини маркетинг қилиш воситаси эмас, балки тушуниш учун энг амалий ва тўғри йўл. Шу йўл билан сиз қаердан эканимни осонгина билиб оласиз. Қолаверса, ҳамма сўзларимни тушунишади".

Штрайх инглиз тилида гаплаша олади, француз ва испан тилларини ҳам билади. Бундан ташқари, саёҳат қилишни жуда ҳам яхши кўради: "Бошқа мамлакатларда бошқача бўлиб қоламан: кўрнишим, ҳидим, кулишим ва ҳаттоки йиғлашим ҳам ўзгача". У мактабни тамомлаганидан кейин немис тили, адабиёт ва тарихни ўрганди ва ўқитувчи димломига эга бўлди.

Штрайх кўп гапиришига қарамай, эътибор марказида бўлишни истамайди. "Фрайбург"даги беш йиллик фаолияти муносабати билан уюштирилган интервьюда саволларга жавоб беришни истамай, машғулотга кетиб қолганди: "Агар мураббийлик фаолиятимни якунласам, 8 ҳафтадан кейин одамлар "Штрайхни нима деб чақиришарди? Йоахим Штрайх?" дейди. Орадан 4 ой ўтиб эса: "Бир пайтлар "Фрайбург"нинг ғалати мураббийи бўларди. Машғулотларга велосипедда қатнар эди", — деб ёдга олишади холос.


Нозима Зарипова таржимаси

Рейтинг: +10   

Фикрлар

+3   
19 окт 15:05:56
FARRUXBEK.FC.BAVARIYA
Oxirigacha oqidim yaxshi maqola chiqibdi omad nozimaxonga
+1   
19 окт 15:33:27
Abbosbek Parpiyev
qoyil juda zor frayburgda bir paytlrr odil sellemi degani bolardi senegallik
   
20 окт 18:23:36
Sanjar Kurbanov
Жуда ҳам зўр мақола ва сифатли таржима. Фақат бир илтимос, ҳурматли Championat Asia. Бошқа муаллиф мақолаларини таржима қилганда манба манзилини кўрсатинг (ушбу ҳолда gol.ru, Н.Живоглядов), бу мауллиф мехнатини ҳурмат қилиш бўлади. Сизнинг мехнатингизни биров ўғирласа, сизга ҳам ёқмайди-ку аҳир.
   
20 окт 13:29:36
MarcWalter
Xaaa afsuski xozrgi yoshlarimizzi kelajak qolida diyishga qorqamiz chunki yoshlani qolida sigaret nos telefon. 7 chi 8 chi sinfli bolla kochada sigaret chakib yuripti shulami endi bizani kelajagimiz
   
20 окт 11:42:48
LTE
SAF_Legenda фойдаланувчининг фикрига жавоб бериш
100% tõğri gapirdiz... Xizmat taqozosi bilan juda kõp insonlar bilan uchrashaman. Ayniqsa kõpi yoshlar. Ularning ishini bitirishi uchun amakisi toğasi yoki allakimiga ishonishi rosti xayron qoldiradi. Xamma narsasi bor eplasa ozgina yugursa ishini bitira oladi Ammo lekin biroq ishshi boshidayoq kimnidir õrtaga qõshmoqchi bõlishi esa xayratlanarli. Ularning õz fikri yõqligi xar doim meni xavotirga qõyadi naxotki shular kelajagimiz deb...
Afsuski shular kelajak. Bugungi kursidagilar ham shunaqa Tanka Tanka qilib ko'tarilishgan. Ertamizga ishonch so'nib boryapti, olomonni Xalqqa aylantiradigan ma'rifatparvar(Cho'lpon, Behbudiy, Avloniy)lar chiqmasa, qorin g'amida yashab o'tib ketsak kerak.
   
20 окт 11:35:47
SAF_Legenda
LTE фойдаланувчининг фикрига жавоб бериш
Germaniyada har bir kasb egasi o'z ishiga chin yurakdan yondoshadi, aka ota tog'a amakisini o'rtaga qo'shib ishga kirvolib idorani qulatib tashlamaydi, Vatanini sevadi, shuning uchun ham Germaniya 1800-yildan beri dunyoning oldi davlatlaridan. Bizda esa o'sha paytlar ham boy otalar bo'lgan, biz Xalq shakllantirib olishimiz kerak, bir fikrli aniq yo'nalish va harakterga ega, ertasini o'zi tasavvur qiladigan birovdan nimadir kutmaydigan Xalq.
100% tõğri gapirdiz...
Xizmat taqozosi bilan juda kõp insonlar bilan uchrashaman. Ayniqsa kõpi yoshlar. Ularning ishini bitirishi uchun amakisi toğasi yoki allakimiga ishonishi rosti xayron qoldiradi. Xamma narsasi bor eplasa ozgina yugursa ishini bitira oladi Ammo lekin biroq ishshi boshidayoq kimnidir õrtaga qõshmoqchi bõlishi esa xayratlanarli. Ularning õz fikri yõqligi xar doim meni xavotirga qõyadi naxotki shular kelajagimiz deb...
   
20 окт 10:55:58
RMS
Tartib intizom xavas qilarli darajada , qoyil.
   
19 окт 22:15:40
LTE
Germaniyada har bir kasb egasi o'z ishiga chin yurakdan yondoshadi, aka ota tog'a amakisini o'rtaga qo'shib ishga kirvolib idorani qulatib tashlamaydi, Vatanini sevadi, shuning uchun ham Germaniya 1800-yildan beri dunyoning oldi davlatlaridan. Bizda esa o'sha paytlar ham boy otalar bo'lgan, biz Xalq shakllantirib olishimiz kerak, bir fikrli aniq yo'nalish va harakterga ega, ertasini o'zi tasavvur qiladigan birovdan nimadir kutmaydigan Xalq.
   
19 окт 15:25:08
Анвар Рахимов
Ажооойиб !!!
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг