Ҳар йили каталонияликлар ҳомийси — Испаниянинг Cupra автомобиль ишлаб чиқарувчиси жамоа футболчиларига янги машиналар совға қилади. Бироқ Кубарсининг ота-онаси 19 ёшли ўғлига қимматбаҳо улов бошқариш ҳали эрта, деган қарорга келишди.
Натижада ҳимоячи оилавий эски машинадан фойдаланишда давом этди, янги Cupra'ни эса унинг отаси олиб қўйди.
"Менга автомобиллар ёқади ва вақти-вақти билан янги моделларни кўздан кечириб тураман. Аммо ота-онамга 19 ёшимда ҳашаматли машинада юришим ҳақидаги фикр маъқул келмаяпти.
Улар менга бироз кутишни, улғайишни ва тажриба тўплашни айтишди. Қимматбаҳо автомобиль сотиб олишга эса кейинчалик ҳам вақтим етарли бўлади", — деди Кубарси.
