Фозил Мусаев "Ал Муайзир" сафида гол урди
24 ноя 2013 22:38
Янгиликлар

Фозил Мусаев "Ал Муайзир" сафида гол урди

Кеча Қатар юлдузлар лигасида 9-тур ўйинлари бўлиб ўтди.

Ҳамюртимиз Фозил Мусаев тўп тепаётган "Ал Муайзир" клуби ўз уйида "Ал Харитийат"ни қабул қилиб 1:2 ҳисобида мағлуб бўлди. Мезбонлар сафида ягона голни айнан Фозил Мусаев ургани қувонарли ҳолат. Ярим ҳимоячи Қатар чемпионатидаги ўзининг 7-учрашувида дебют голини уришга муваффақ бўлди. Кечаги ўйинда Фозил тўлиқ ўйнаган.

Франциялик Ладисас Лозано шогирдлари 9та турдан 7 очко тўплаб чемпионатда 14та жамоа орасида 13-ўринда боришмоқда.

"Ал Муайзир" кейинги турни 30 ноябрь куни сафарда "Ал Садд"га қарши ўтказади.

"Ал Муайзир" - "Ал Харитийат" 1:2
Голлар: Фозил Мусаев 14 - Яҳё Кебе 27, Жейси Жон Оквунванне 66

Ҳавола :

Манба : championat.asia

Янгиликларни Телеграмда ўқинг!

Рейтинг: