Фламарион нима сабабдан кўп ўйинларда қайдномага киритилмагани ва Габриэль Жезус билан муносабати ҳақида гапирди

– Бугунги ўйин ҳақида фикрингиз...

– Ғалаба қозонганимиздан жуда хурсандман. Мақсадимиз – мавсумни ғалаба билан якунлаш эди. Шунда таътилни бемалол ўтказишга имкон бўларди. Хурсандчилигимга яна бир сабаб – гол уришга эришдим.

– Бундан аввалги бир неча ўйинларда қайдномага ҳам киритилмадингиз, бунга мураббийларнинг ўзгариши сабаб бўлмадими?

– Йўқ, менда жароҳат бор эди. Бир муддат даволаниш жараёни ўтди. Шу боис, қайдномага ҳам киритилмадим.

– Сиз "Палмейрас" клуби ёшлари таркибида Габриэль Жезус билан жамоадош бўлган экансиз. Ҳозир ҳам у билан алоқангиз борми?

– Йўқ, анчадан бери у билан суҳбатлашганим йўқ.