“Фиорентина” Жовани дос Сантосга қизиқиб қолди

Жузеппе Росси ва Марио Гомеснинг жароҳати туфайли жамоада ҳужумчилар танқислиги бошидан ўтказаётган “Фиорентина”, мексикалик ҳужумчига қизиқиб қолди.

Жамоа бош мураббийи Винченцо Монтелла дос Сантосга қизиқиб қолган. Бундан ташқари “Фиорентина” аввал ҳам “Вильярреал”дан Борха Валеро ва Гонсало Родригесни сотиб олиб испанлар билан яхши алоқа ўрнатиб олган.

Эслатиб ўтамиз, 24 ёшли ҳужумчи ўтган йилнинг ёзида “Мальорка”дан “Вильярреал”га ўтган эди. Ушбу мавсумда футболчи 9 та гол урган ва 5 та голли тўп узатишни амалга оширган.