Филиппо Индзаги: «Асосий мақсадимиз - "Милан"нинг ўз ўйин услубини қайтаришдан иборат»

Ҳозирги асосий мақсадимиз - "Милан"нинг ўз ўйин услубини қайтаришдан иборат. "Парма" ва "Ювентус" билан бўлган ўйинда бир қатор яхши вазиятлар ярата олгандик. Мухлисларимизнинг эътироз ва танқидларини тўғри тушунаман. Эртанги "Эмполи"га қарши учрашувда мавсумнинг иккинчи қисмидаги ғалабали одимимизни бошлаб оламиз деган умиддаман. Еврокубокларга иштирок этишимиз мумкинми? Ҳозир турнир жадвалига қарайдиган вақт эмас. Аввало жамоанинг ўзига бўлган ишончини қайтариб олишимиз талаб этилади. Шунда мавсум сўнггида турнир жадвалининг қайси поғонасида бўлишимизни кўришимиз мумкин бўлади. Бизни қийин ва муҳим баҳс кутиб турибди. Шу боис бор куч-ғайратимизни ишга солишимиз зарур.