ФИФА қўшимча трансфер ойнаси яратилишини эълон қилди
04 окт 2024 11:39
Янгиликлар
ФИФА қўшимча трансфер ойнаси яратилишини эълон қилди
Халқаро футбол федерацияси (ФИФА) кенгаши жамоалари клублар ўртасидаги Жаҳон чемпионатида иштирок этаётган ФИФАга аъзо ассоциациялар учун қўшимча трансфер ойнасини маъқуллади, дея хабар берди ташкилот расмий сайти.
Бу ҳақдаги қарор 3 октябрь, пайшанба куни Цюрихда бўлиб ўтган ФИФА кенгаши йиғилишида қабул қилинди.
Қайд этилишича, ойна 2025 йилнинг 1 июнидан 10 июнигача очиқ бўлиши мумкин. Бироқ қўшимча ойна очиш ёки очмаслик қарори ҳар бир ФИФАга аъзо ассоциациянинг ўз ихтиёрида қолади.
“2025 йилги клублар ўртасидаги ЖЧ бутун дунё бўйлаб клуб футболининг янги даврини бошлаб беради. Энг яхши жамоалар расмий жаҳон чемпиони номи учун кураш олиб боради. Ушбу регламент барча 32 иштирокчи клуб ва дунёнинг энг яхши футболчилари юқори савияда порлаши учун энг яхши шароитларни таъминлайди", – деди ФИФА президенти Жанни Инфантино.
2025 йилги клублар ўртасидаги мундиаль 15 июндан 13 июлга қадар АҚШда бўлиб ўтади.
Ўхшаш янгиликлар
championat.asia
Суперлига. "Нефтчи" голларга бой ўйинда камбэк эвазига "Навбаҳор"ни мағлуб этди
Ла Лига. "Реал" "Сантьяго Бернабеу"да "Валенсия"га мағлуб бўлди, Дуро 90+5 дақиқада ғалаба голини урди
АПЛ. Зерикарли ўтган "Манчестер Юнайтед" — "Манчестер Сити" ўйинида ҳисоб очилмади, Ҳусанов захирада қолдирилди
Суперлига. «Сўғдиёна» мавсумдаги илк ғалабасини «Пахтакор» устидан қўлга киритди
Фикрлар