Бугун Халқаро профессионал футболчилар ассоциациялари федерацияси бутун дунё бўйлаб 19 806 нафар ўйинчи иштирокидаги сўровнома асосида тузилган рамзий терма жамоасини эълон қилди. Аргентиналик ҳужумчи мазкур рўйхатдан 2023 йилдан бери биринчи марта жой олди.
Бу Мессининг FIFPro жамоасига 18-маротаба киритилишидир. Ушбу кўрсаткич бўйича иккинчи ўринда Криштиану Роналду (15 та эътироф) бораётган бўлса, кучли учликни Серхио Рамос (11) якунлаб турибди.
