ФИФА конгресси ижро қўмитаси ўрнига ташкилот кенгаши яратилишини тасдиқлади

Бу қарор конгресс мобайнида ФИФАга аъзо мамлакатлар томонидан овоз бериш йўли билан қабул қилинди.

Тасдиқланган ислоҳот режасига кўра, федерация тузилмаси бошида олдингидек ФИФА конгресси қолади. Ташкилот ижро қўмитаси ўрнига ФИФА кенгаши иш бошлайди ва бош котиблик вазифалари қатъий чегараланади: Кенгаш бош котиблик мажбурияти ҳисобланган тижорат фаолияти устидан назоратга оид бўлган стратегик ва сиёсий муаммоларни ҳал қилади. Шу билан бирга кенгаш қўмиталар ва бош котибиятлар фаолиятини назорат қилади.

Кенгашни ФИФА президенти бошқариб боради ва унга 36 киши киради: Европа футбол ассоциациялар иттифоқидан (УЕФА) 9 нафар, Осиё футбол конфедерациясидан (ОФК) 7 нафар, Африка футбол конфедерациясидан (АФК) 7 нафар, Шимолий ва Жанубий футбол конфедерацияларидан 5 нафардан ва Океания футбол конфедерациясидан 3 нафар. Кенгашнинг камида 6 вакили аёл бўлиши керак (ҳар бир конфедерациядан камида 1 нафардан). Кенгашнинг ҳар бир аъзоси ўзига хос мезонлар бўйича текширилади ва бунга мустақил кузатув қўмитаси жавоб беради.