Февзи Давлетов: "Бунёдкор" билан ўйинда кўп энергия йўқотдик, "Қўқон-1912"да тикланиш учун кўпроқ вақт бўлди"
17 авг 2025 21:01
Янгиликлар

Февзи Давлетов: "Бунёдкор" билан ўйинда кўп энергия йўқотдик, "Қўқон-1912"да тикланиш учун кўпроқ вақт бўлди"

Суперлиганинг 19-тури доирасида Термизнинг "Сурхон" жамоаси "Қўқон-1912" меҳмони бўлди (0:2).

Учрашувдан сўнг жамоа устози Февзи Давлетов фикрларини билдирди.

"Ўйин ҳақида нима дейиш мумкин? Илк дақиқалардан ўзимизга пенальти олиб келдик. Сариқ карточкалар олдик. Боз устига бугун рақиб кўпроқ ҳимояланишга мажбур қилди. Бу мағлубиятга ўзимиз айбдормиз. Бугун рақибга имконият беришимиз мумкин эмасди. Қайсидир маънода мағлубиятга лойиқ эмасдик, агарда пенальти бўлмаганида ҳаммаси бошқача кечиши мумкин эди. Бўладиган иш бўлди", - дейди Февзи Давлетов.

- Захирадан майдонга тушган футболчилар ўйинни кучайтира олишмади. Бунга сабаб нима?

- Айрим ўзгаришларга қилишга ҳаракат қилдик. Фикримча, "Бунёдкор" билан ўйинда ҳаддан ташқари кўп ҳиссиётларга берилиб юбордик ва энергия сарфладик. Натижада тиклана олганимиз йўқ. "Қўқон-1912"да эса тикланиш учун кўпроқ вақт бўлди. Шу боис бизга ҳиссиёт ва энергия камлик қилди. Бу ҳаммаси тикланиш билан боғлиқ.