Евро-2020. Руни талқинида мусобақанинг энг яхши футболчиси ким?
04 июл 2021 21:56
Янгиликлар

Евро-2020. Руни талқинида мусобақанинг энг яхши футболчиси ким?

Англия терма жамоаси ва "Манчестер Юнайтед" собиқ ҳужумчиси Уэйн Руни Европа чемпионатида ёрқин ўйин кўрсатган футболчи ҳақида тўхталди.

"Кўпчилик қатори мен ҳам Францияни фаворит ҳисоблаган эдим, лекин терма жамоа ҳайрон қолдирди. Айниқса, Поль Погба учун афсусдаман. Франция 1/8 финалда ютқазиб, турнирдан чиқиб кетгунига қадар у энг яхши эди. Унинг Бензема ва Мбаппега ошириб берган паслари қойилмақом чиқди.
Полнинг ярим ҳимоядаги шериги Канте эканлиги унинг бахти. Погбанинг ёрқин ўйин кўрсатаётганига сабаб позициянинг тўғри танланганидир. У нисбатан орқароқда ўйнади, бу орқали ўйлаб олиши ва ажойиб узатмаларни намойиш қила олиши мумкин бўлди", – деди Руни.

Эслатиб ўтамиз, Франция терма жамоаси нимчорак финалда Швейцарияга мағлуб бўлиб, мусобақани тарк этганди.

Ҳавола :

Манба : The Times

Янгиликларни Телеграмда ўқинг!

Рейтинг: +8