"Эвертон" Кубога қизиқиб қолди
28 июл 2025 19:43
Янгиликлар

"Эвертон" Кубога қизиқиб қолди

Испаниянинг "Реал Сосьедад" жамоасида тўп тепаётган япониялик вингер Такефуса Кубо Англиянинг "Эвертон" клуби эътиборини тортди.

Бу ҳақда "Liverpool World" хабар берди.

Сан-Себастьян клуби президенти Хокин Аперрибай бу маълумотга қуйидагича изоҳ берди:

"Кубо, Браис [Мендес] ва [Алекс] Ремиро ҳақида миш-мишлар бор. Бизда улар бўйича ҳеч қандай таклиф йўқ. Бозор шовқини... Мен бозор шовқини нима эканлигини билмайман".

Мавсум оралиғида Мартин Зубименди "Реал Сосьедад"ни тарк этиб, 65 миллион евро эвазига Лондоннинг "Арсенал" жамоасига ўтди.

24 ёшли Кубо ўтган мавсум клублар миқёсида 52 ўйинда қатнашиб, 7 та гол ва 4 та голли узатмага муаллифлик қилди. Унинг нархи 30 миллион еврога баҳоланмоқда.

Ҳавола :

Манба : Liverpool World

Янгиликларни Телеграмда ўқинг!

Рейтинг: +4