Championat.asia ma'lumotlariga ko'ra, "Andijon" klubi "Navbahor"ning Rubin Xebayni sotib olish bo'yicha bergan taklifini rad etdi. Dastlabki taklif taxminan ikki milliard so'm atrofida bo'lgan.
Shuni ta'kidlab o'tish joizki, Rubin Xebayning "Andijon" klubi bilan ikki yillik shartnomasi bor. Klub va futbolchi o'rtasidagi shartnomada tovon puli 5.5 mlrd so'm qilib belgilangan. Uni o'z safida ko'rishni istagan klub ushbu so'mmani to'lab, futbolchini o'z safiga qo'shib olishi mumkin. Transfermarkt ma'lumotlariga ko'ra, futbolchining ayni damdagi narxi 450 ming evro deb baholanmoqda.
