Эртага Ўзбекистон - Тожикистон. Рақиб ҳақида нималарни билиш керак?

Мазкур ўйиндан олдин ўқувчиларимизга рақибимиз Тожикистон терма жамоаси ҳақида маълумот беришга қарор қилдик.

Ўзбекистон билан бир йилда мустақилликка эришган Тожикистон мамлакатининг миллий терма жамоаси ўз тарихидаги биринчи ўйинни 1992 йил 17 июнь куни айнан Ўзбекистонга қарши ўтказганди. Бу баҳс нафақат Тожикистон учун, балки Ўзбекистон терма жамоаси учун ҳам тарихий биринчи ўйин бўлган. Марказий Осиё кубоги доирасида ўтган баҳсда 2:2 ҳисоби қайд этилган.

Тожикистон терма жамоаси ҳозирга қадар Жаҳон чемпионати ва Осиё Кубоги финал босқичига чиқа олмаган. 2006 йил ОФК Чақирув кубогини қўлга киритган. 2008 йил ушбу мусобақа вице-чемпиони бўлган.

Тожикистон терма жамоасиниг энг йирик ғалабаси 2000 йил Гуам устидан қўлга киритилган - 16:0. Энг йирик мағлубияти эса 2011 йил Японияга қарши баҳсда қайд этилган - 0:8.

Тожикистон терма жамоаси ФИФА рейтингида айни пайтда 121-ўринда бормоқда. Энг юқори натижаси 2013 йил қайд этилган - 106-ўрин. Энг паст кўрсаткич эса 2003 йил кузатилган - 180-ўрин.

2018 йил охирида Тожикистон терма жамоасига ўзбекистонлик мутахассис Усмон Тошев бош мураббий этиб тайинланган. Ушбу мураббий қўл остида жамоа ЖЧ-2022 саралаши иккинчи босқичи доирасида ҳозирга қадар 5та ўйинда майдонга тушди. Қирғизистон ва Мўғулистон мағлуб этилди, Япония ва Мьянмага имконят бой берилди. Қирғизистон билан сафардаги учрашувда дуранг қайд этилди. Тожикистон 7 очко билан гуруҳда учинчи ўринда бормоқда. Япония ҳисобида 12 очко, Қирғизистонда 7 очко бор ва тўплар нисбатига кўра Тожикистондан юқорида.

Усмон Тошев: "Ўзбекистон билан баҳсда чиройли ўйин кўрсатишга ҳаракат қиламиз"        

Тожикистон терма жамоаси сафида энг кўп ўйин ўтказган футболчилар:
Фатхулло Фатхуллоев - 68та ўйин
Давронжон Эргашев - 58
Дилшод Восиев - 50
Аҳтам Назаров - 50
Нуриддин Давронов - 49
Иброҳим Рабимов - 45
Эраж Ражабов - 44
Юсуф Рабиев - 40

Тожикистон терма жамоаси сафида энг кўп гол урган футболчилар:
Манучехр Жалилов - 17та гол
Юсуф Рабиев - 15
Нўъмонжон Ҳакимов - 14
Тоҳир Мўминов - 10
Иброҳим Рабимов - 9
Фатхулло Фатхуллоев - 9
Жомихон Муҳиддинов - 8
Нуриддин Давронов - 8
Дилшод Восиев - 8
Давронжон Эргашев - 7


Усмон Тошев Ўзбекистон билан ўйинга чақирган футболчилар рўйхатига қараб, биз учун бир қанча таниш номлар борлигини кўриш мумкин. Зоир Жўрабоев ва Амирбек Жўрабоев ўз вақтида ўзбек клублари сафида тўп тепишган. Давронжон Эргашев айни пайтда "Бунёдкор" шарфини ҳимоя қилмоқда. Эҳсони Панчшанбе эса Ўзбекистон терма жамоасига қарши ўйиндан сўнг Наманганнинг "Навбаҳор" клуби сафига бориб қўшилади. Ярим ҳимоячи "лочинлар" билан 2022 йил охирига қадар мўлжалланган шартнома тузди.

Тожикистон терма жамоаси ярим ҳимоячиси Алишер Жалилов: "Навбаҳор" жуда яхши трансферни амалга оширди"

Тожикистон терма жамоасининг Ўзбекистон билан ўйинга чақирилган футболчилар рўйхати: 
Дарвозабонлар: Рустам Ятимов («Истиқлол»), Шохрух Қирғизбоев («Локомотив-Помир»), Қурбонали Бобоев («Кўктош»);
Ҳимоячилар: Ахтам Назаров, Табрези Давлатмир, Зоир Жўрабоев, Вахдат Ханонов (барчаси – «Истиқлол»), Манучехр Сафаров («Локомотив-Помир»), Хуршед Бекназаров, Алишер Баротов (иккиси – «Хўжанд»), Давронжон Эргашев («Бунёдкор»);
Ярим ҳимоячилар: Алишер Жалилов, Амирбек Жўрабоев, Эҳсони Панчшанбе, Муҳаммаджон Раҳимов (барчаси – «Истиқлол»), Илҳом Баротов («Истаравшан»), Умаржон Шарипов («Хатлон»), Шарафжон Солехов («Файзқанд»), Комрон Турсунов («Мохун Баган», Ҳиндистон), Хуршед Абдуллоев («Душанбе-83»);
Ҳужумчилар: Манучехр Жалилов, Шериддин Бобоев (иккиси – «Истиқлол»), Жаҳонгир Эргашев, Дилшод Бозоров, Тохир Малодустов (барчаси – «Худжанд»)
Бош мураббий – Усмон Тошев.

Ўзбекистон ва Тожикистон терма жамоалари ҳозирга қадар 8 марта ўзаро ўйин ўтказишган. 4 марта Ўзбекистон терма жамоаси ғолиб бўлган. Тожикистон ҳисобида фақат битта ғалаба бор. Яна учта учрашувда дуранг кузатилган. Сўнгги бор бу икки жамоа 2011 йилда тўқнаш келишганди.

Фото. Тожикистон терма жамоасининг Тошкентдаги машғулотидан ГАЛЕРЕЯ        

Узбекистан Шахзод Убайдуллаев - 33', Мурод Холмухамедов - 67'

Товарищеские матчи . 1-тур 03/09/2020, 20:00 1 : 2 Тугади

Таджикистан Зоир Джурабоев - 48'

Стадион: 0 томошабин

45'

90'

33'  Шахзод Убайдуллаев

67'  Мурод Холмухамедов

48'  Зоир Джурабоев

Матч-центрда очиш