Эрон футболи вакиллари мамлакат термасини ЖЧ-2022'дан четлатишни сўраб ФИФАга мурожаат йўллади

Манбага кўра, эронлик бир гуруҳ футболчилар ва футбол вакиллари ФИФАдан мамлакат терма жамоасини 2022 йилги жаҳон чемпионатидан четлатишни сўраган. Мурожаатда Эрон ўз халқига нисбатан шафқатсизлик қилаётгани сабаб қилиб кўрсатилган. Шунингдек, мамлакатда аёлларнинг стадионларга кириши таъқиқланган, бу ФИФА кодексига зид эканлиги кўрсатилган. Бундан ташқари, бир неча футболчи давлат томонидан таъқибга учрагани қайд этилган. Мактубда ФИФА Эроннинг ташкилотга аъзолигини зудлик билан тўхтатиши кераклиги сўралган.

Эслатиб ўтамиз, Эрон ТЖ ЖЧ-2022 гуруҳ босқичида Англия, АҚШ ҳамда Уэльс билан баҳс олиб бориши керак.