Эрон билан ўйиндан олдинги матбуот анжуманида Виктор Жалилов иштирок этди
11 июн 2017 20:58
Янгиликлар

Эрон билан ўйиндан олдинги матбуот анжуманида Виктор Жалилов иштирок этди

Эрон ва Ўзбекистон учрашувидан олдинги матбуот анжуманида Виктор Жалилов ва Мурод Холмуҳаммедов иштирок этишди. Бу ҳақда tasnimnews ахборот агентлиги хабар берди.

"Ҳаммага маълумки, бу ўйин биз учун ҳам Эрон учун ҳмас жуда ҳам муҳим ва ҳал қилувчи ҳисобланади. Иккала жамоа ғалаба учун ўйнайди.

Эронга қарши баҳс биз учун оғир ўтади. Эрон Тошкентда ғалабага эришганди. Шу боис Теҳронга ғалаба қозониб реванш олиш учун келдик.

Эрон яхши ва кучли жамоа эканлигини биламиз. Ҳимояда жуда яхши ўйнашади. Аммо ҳар бир ўйин алоҳида тарих. Рақибимиз деярли хатосиз ўйнайди, аммо ўша хатони кутамиз ғалаба қозонишга уринамиз.

Бизнинг жамоанинг кучи тезкор ҳужумда. Биз ўз кучимизни Эронга қарши баҳсда қўллашга уринамиз. Эронда Али Дайи, Али Карими, Меҳди Меҳдавакия ва Карем Багери каби юлдузлар бўлган. Уларни биламиз.

Эрон ақлли жамоа, ғалаба қозониш учун ўта эҳтиёткор бўлишимиз керак", - дейди Жалилов.