UZ

Сўнгги янгиликлар

12:41"Челси" Англия терма жамоаси ҳимоячисини сотиб олмоқчи  0 12:402031 йилги Осиё кубоги мезбонлигига яна қайси мамлакатлар даъвогар?  0 12:15Ўзбекистон U-16 терма жамоаси бугун Тошкентда йиғин бошлайди  0 11:54МЮ раҳбарияти пул тежашнинг янги усулини топди  6 11:29Флик Ла Лиганинг февраль ойидаги "Энг яхши мураббийи" деб тан олинди  4 10:53Бугун Ўзбекистонда трансфер ойнаси ёпилади. Жамоаларда амалга ошаётган трансферлар барчаси битта саҳифада  7 10:22«Шўртан» «Пахтакор» тарбияланувчиси билан шартнома тузди  2 09:50Шомуродов «Рома» сафида энг яхши натижани қайд этмоқда  7 09:22Ўртоқлик учрашуви. «Қалдирғочлар» навбатдаги ғалабасини қўлга киритди  0 08:56Клаудио Раньери навбатдаги ғалабадан сўнг нималар деди?  4 08:28Ўзбекистон футзал терма жамоасининг яна бир аъзоси легионерга айланди  0 08:00Моуринью «Галатасарой» мураббийлари ва футболчиларини маймун деб атади. «Галатасарой» бу бўйича ФИФАга арз қилмоқчи  11 07:33Sofascore. Гол ва ассист қайд этган Шомуродов кечаги баҳсда қандай баҳо олди?  3 07:03Элдор Шомуродов кечаги ўйинда қандай статистика қайд этди?  4 06:55Серия А. "Рома" - "Монца" 4:0, Шомуродовда 1+1  1

Эркин Бойдуллаев: "Рюжини умуман футболга яқинлаштирмаслик керак" Янгиликлар

Эркин Бойдуллаев: "Рюжини умуман футболга яқинлаштирмаслик керак"

ОЧЛ 1-тур доирасидаги "Ал Аҳли" - "Насаф" (2:1) учрашуви ва япониялик ҳакам Сато Рюжининг тушунарсиз қарорлари ҳақида "аждарлар" ярим ҳимоячиси Эркин Бойдуллаев ўз фикрларини билдирди.


"Япониялик ҳакамлар ҳар доим бизнинг оёққа болта уришади. Ўтган йили ҳам ОЧЛ гуруҳ босқичининг 6-тур ўйинида айнан "А Аҳли"га қарши беллашувда тоза голимизни инобатга олишмаганди. Бу эса якунда бизга қимматга тушган. Кеча ҳам Сато Рюжи бир қатор тушунарсиз қарорлари орқали жамоамиз зарарига ишлади. Мен ҳакам хуштагини эшитгач рақиб футболчиси ўйин қоидасини бузди деб ҳисоблади деб ўйладим. Чунки менинг "корпусим" "Ал Аҳли" футболчисидан олдинда эди ва рақиб мени оёғимни чалди. Шунга аввалига ҳакам тўғри қарор қабул қилди деб ўйладим. Аммо япониялик Сато менга иккинчи сариқ карточкани кўрсатиб майдондан четлатди. Нега жим кетдим? Чунки ҳакам ҳеч қарорини ўзгартирмайди. Бу фойдасиз эди. Кейин жамоамиз мураббийлари бизга ҳакамлар қарорига қарши чиқмасликни ва бу фақат зарар келтириши мумкинлиги ҳақида кўп айтишади. Дилшод Раҳматуллаевни бошига тепилган вазиятни кўрмай қолдик. Ўйиндан сўнг мана ҳозиргина ушбу видеони кўрдим. Ўша вазиятда биз нима бўлганини билмадик. Омар Сома Раҳматуллаев билан тўқнашиб кетди деб ўйлагандим. Аммо умуман бошқа футболчи даҳшатли равишда Дилшод Раҳматуллаевни бошига тепган экан. Бу қўполлик учун ҳакам керакли чора кўрмагани учун ҳам япониялик Рюжини умуман футболга яқинлаштирмаслик керак. Илҳом Шомуродовни рақиб ушлаб қолди, кейин туртиб юборди. Лекин ҳакам яна жим. На пенальти белгилади, на жарима зарбаси. Биз "Ал Аҳли" билан ўйинда ҳимоявий эмас, ҳужумкор ўйнадик. Тезкор гол ўтказиб юборилмаган тақдирда ҳам биз ҳужумда ўйнаган бўлардик. Қаршидаги ўйинда "АЛ Аҳли"ни мағлубиятга учратишга ҳаракат қиламиз. Агар ўтган йилгидан фарқли равишда омад биз томонда бўлса бемалол уч очкони оламиз. Қизил карточка борасида клуб апелляция бериши мумкин. Менимча, тез орада клубимиз расмийлари ОФКга мурожаат қилишади", - дейди Эркин Бойдуллаев. 

Рейтинг: +11   

Фикрлар

championat.asia
< сўнгги янгиликларни кўриш
Яндекс.Метрика