UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  1 00:52Италиялик жаҳон чемпиони Қозоғистонга ташриф буюрди  2 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  13 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  11 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  33 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  25

Энди бизда ҳам АПЛдаги каби либосларда бир хил шрифт бўлади ФОТО Янгиликлар

Энди бизда ҳам АПЛдаги каби либосларда бир хил шрифт бўлади ФОТО

Теглар :  Суперлига
Энди Суперлиганинг барча жамоалари либосларида бир хил шрифт бўлади.

Ҳар томонлама қизиқарли ва томошабоп, мухлисларга манзур бўлувчи чемпионат ташкил этишни ўз олдига мақсад қилиб қўйган Ўзбекистон Профессионал футбол лигаси ортда қолган мавсумда кўплаб жабҳаларда, жумладан мамлакат Суперлигаси учрашувлари телетрансляцияси борасида анча олдинга қадам ташлади.

2018 йилги мавсум учрашувлари давомида ўйинни томоша қилаётган мухлислар жамоалар футболчилари эгнидаги либосда уларнинг фамилияси ҳамда рақами турли кўринишда ёзилгани сабаб баъзан ўйинчиларни таниб олишда кичик муаммоларга дуч келган ҳолатлари ҳам кузатилди. Зеро клублар формаларида акс этувчи шрифт ҳар доим ҳам яққол кўзга ташланадиган ва ўқилиши содда бўлавермайди.

Жаҳоннинг етакчи лигалари тажрибаларидан келиб чиққан ҳолда Ўзбекистон Профессионал футбол лигаси 2019 йилги мавсумдан эътиборан Суперлига ва Про-лига “А” гуруҳи клублари форма учун ягона стандарт шрифтдан фойдаланишларини маълум қилади.

Англия, Франция, Португалия, Испания каби етакчи мамлакатлар миллий чемпионатларида аллақачон ушбу тажрибадан фойдаланишади. Англия клублари учун 1997 йилда ягона шрифт ишлаб чиқилган бўлса, Испанияда ўтган мавсумдан бошлаб барча клублар бир хил стандарт шрифтдан фойдаланиб келишмоқда.

Барча клублар учун стандарт шрифт жорий этилиши юқоридаги мамлакатлар футбол жамоатчилиги томонидан қўллаб-қувватлаб келинади. Зеро ҳаммага бирдек тушунарли ва яққол кўзга ташланувчи шрифтдан фойдаланилса, стадиондан ўйинни кузатаётган мухлис ҳам, ўйинни ТВ орқали томоша қилаётган ишқибоз ҳам майдонда тўп сураётган футболчиларни ҳеч қандай қийинчиликсиз таниб олиши мумкин бўлади.

Янги мавсумдан эътиборан Ўзбекистон Суперлигаси ва Про-лигаси “А” гуруҳи иштирокчи жамоалари ҳам бир хил шрифтдан фойдаланишади.

Рейтинг: +46   

Фикрлар

championat.asia
< сўнгги янгиликларни кўриш
Яндекс.Метрика