Элдорбек Суюновнинг ушбу мавсумдаги статистикаси
16 ноя 2015 22:44
Янгиликлар

Элдорбек Суюновнинг ушбу мавсумдаги статистикаси

"Насаф" клубининг твиттердаги расмий саҳифаси жамоа дарвозабони Элдорбек Суюновнинг ушбу мавсумдаги статистикасини тақдим этди.

"Элдорбек Суюнов ушбу мавсумда ўзини ҳар томонлама яхши кўрсатди. Жамоа муваффақиятларига Элдорбек Суюновнинг хизмати катта бўлди", - дейилади хабарда.

Элдорбек Суюнов ушбу мавсумда (Олий лига, ОЧЛ, Ўзбекистон кубоги) жами 29 ўйинда майдонга тушди ва ўз дарвозасидан 19 маротаба тўп олиб чиқди. Шунингдек, Элдорбек Суюнов 14 учрашувда ўз дарвозасини қуруқ сақлашга эришди.

"Насаф" дарвозабони ОЧЛ доирасидаги иккита ўйинда ("Ал Аҳли" (БАА) - "Насаф" 0:0, "Насаф" - "Ал Аҳли" (СА) 0:0) расман учрашувнинг энг яхши футболчиси бўлган. Қолаверса Олий лига баҳсларида бир неча маротаба беллашувнинг энг яхши футболчиси деб топилган.

Элдорбек Суюнов ушбу мавсумда "Насаф" билан Ўзбекистон кубоги соҳибига айланди ва футболчилик фаолиятидаги учинчи бронза медалларини қўлга киритди.

Элдорбек Суюнов Олий лиганинг 27-туридан ўрин олган "Бунёдкор"га қарши баҳсда жароҳат олиб сафдан чиққанди. Яқиндагина "Насаф" посбони Москвада жарроҳлик столига ётқизилди ва операция муваффақиятли ўтказилди. Элдорбек Суюнов эндиликда кейинги мавсумдан бошлаб майдонга қайтади.

Ҳавола :

Манба : Twitter/FCNasaf

Янгиликларни Телеграмда ўқинг!

Рейтинг: +12