Суперлига. Тур дарвозабони - Элдорбек Суюнов

Аввалроқ тур рамзий терма жамоасини эълон қилган эдик. Энди эса кетма-кетликда тур лауреатларини бериб бораяпмиз.

Видео "Тезкор студия". 5-тур якунлари муҳокамаси

Ортда қолган 5-турнинг энг яхши дарвозабони деб "Пахтакор" аъзоси Элдорбек Суюновни топдик. "Шерлар" Тошкент дербисида "Бунёдкор"га ҳеч қандай имконият қолдиришмади. Ҳисоб 1:0 бўлиб турган пайтда эса Элдорбек икки бор мезбонларни голдан қутқариб қолди. Аввалига Дилшод Аҳмадалиев ўнг томондан Суюнов қаршисида пайдо бўлди ва аниқ зарба берди, кейинроқ эса Расул Йўлдошевнинг жарима майдони ташқарисидан берган аниқ зарбасидан сўнг чиройли сейв гувоҳи бўлдик. Бу билан дарвозабон ўйинда мувозанат тикланишига йўл қўймади, биринчи бўлим охирида эса унинг шериклари ҳисобни йирик кўринишга келтириб қўйишди.

Шу тариқа, бу турда иккита чиройли сейви билан рақибга ҳисобни тенглаштириш имконини бермаган Элдорбек Суюнов 5-турнинг энг яхши дарвозабони деб топилди.

Суперлига. Тур голи - Иван Соловьёв