Avvalroq tur ramziy terma jamoasini e'lon qilgan edik. Endi esa ketma-ketlikda tur laureatlarini berib borayapmiz.
Ortda qolgan 5-turning eng chiroyli goli deb "Navbahor" a'zosi Ivan Solovyovning jarima maydonchasi tashqarisidan bergan zarbasini topdik. Namanganliklar o'z maydonlarida "Buxoro"ni mag'lub etishdi - 2:0. Solovyov bahsning 7-daqiqasida raqib himoyachilaridan qaytgan to'pni to'xtatmasdan chap oyoqda darvozaga joylab qo'ydi. Zarbaning ijrosi ham, gol ham chiroyli ko'rinish oldi.
Shu tariqa, Ivan Solovyov 5-turning eng chiroyli goli muallifi deb topildi. Eslatib o'tamiz, rossiyalik futbolchi ortda qolgan 5 turning barchasida maydonga tushgan va ikkita gol urgan.
