Элдор Шомуродов: "Эрон ютса бўладиган жамоа"

Унга кўра, Ўзбекистон терма жамоаси Эрон, Туркманистон жамоалари билан бир гуруҳдан жой олди. Яна бир рақибимиз Гонконг ва Бутан ўртасидаги ўйинлардан сўнг аниқланади. 

Биз терма жамоамиз сардори ва "Кальяри" клуби аъзоси Элдор Шомуродов билан боғландик ва гуруҳ ҳақида сўрадик. 

"Қуръадан хабарим бор. Эрон ва Туркманистон билан ўйнашимиз аниқ. Сўнгги рақиб Гонконг ёки Бутан бўлади. Нима дейиш мумкин, гуруҳда биринчи ўринни олиш учун ўйнаймиз. Эрон асосий рақибимиз, улар билан яқиндагина CAFA мусобақасида ўйнадик. Эрон ютса бўладиган жамоа. Мақсадимиз гуруҳда биринчи ўрин билан кейинги босқичга чиқиш", - деди Элдор Шомуродов championat.asia сайтига.

Эслатиб ўтамиз, ушбу босқичда ҳар бир гуруҳдан иккитадан жамоа кейинги босқичга чиқади. Ўзбекистон терма жамоаси саралаш баҳсларини 16 ноябрь куни сафарда Туркманистонга қарши баҳс билан бошлайди. 21 ноябрь куни Тошкентга Эрон терма жамоаси келади.

Нарзулла Сайдуллаев ёзиб олди