UZ

Сўнгги янгиликлар

16:11"Ливерпуль" бир нечта клубдан иборат тармоқ яратмоқчи  0 15:34Лени Йоро "Реал"га ўтмоқчи   3 15:003-тур ўйинларидан бирида тўртта ҳакамлик хатоси бўлди. Ҳакамлик бўйича экспертимиздан таҳлил  0 14:52Саудия Арабистонидан бўлаётган қизиқишга қарамай, "Челси" Стерлингни сотмайди   0 14:23"Жирона" "Краснодар" футболчисига кўз тиккан  1 13:55Ўзбекистон терма жамоаси Гонконгга етиб борди  9 13:44"Лацио" сотилмайди!"  0 13:22"Ал Аҳли" Аргентина термаси ярим ҳимоячисини сотиб олмоқчи  0 13:00Ориф Маматказин, "Обод" собиқ устози, "Нефтчи" афсонаси — U-19 чемпионатида ишлайдиган мураббийлари билан танишамиз (1-қисм)  2 12:49Санчо "Боруссия"да қолишни истайди  1 12:19Жароҳат олган бўлсада, Кейн терма жамоа лагерига йўл олди   2 11:42АПЛнинг икки вакили Австралияда майдонга тушади  0 11:04Роналду Швеция билан ўйин учун Португалия терма жамоасининг қайдномасига киритилмади  7 10:31Суперлига-2024: 3-тур баҳсли вазиятлари юзасидан Эксперт-ҳакамлар комиссияси хулосаси  8 10:04«Жаҳон чемпионатининг саралаш учрашувларига ёш, тажрибасиз ва янги футболчиларни жалб этиб, уларни ўйин услубига мослаштириш учун вақт йўқ, чунки бу жуда мураккаб» - Катанец ОФК расмий сайтига интервю берди  24

Эктор Купер: "Нафақат футболчиларнинг, балки менинг ҳам терма жамоадаги ўрним кафолатланмаган" Янгиликлар

Эктор Купер: "Нафақат футболчиларнинг, балки менинг ҳам терма жамоадаги ўрним кафолатланмаган"

Ўзбекистон терма жамоаси бош мураббийи Эктор Купер Қатарга қарши ўртоқлик учрашувида қўлга киритилган ғалабадан сўнг ўз фикрлари билан матбуот анжуманида ўртоқлашди.

- "Биринчи навбатда ажойиб ўйин кўрсатган футболчилар алоҳида эътирофга лойиқ. Нафақат натижа, балки ўйин жиҳатдан ҳам улар бугун яхши ҳаракат қилишди. Шогирдларим бугун берилган топшириқ ва кўрсатмаларни ажойиб тарзда бажаришди. Ўйинимиз шаклланишда, футболчилар эса талабларимни янада яхши бажаришда давом этишмоқда. Аввалги ўйинлар билан солиштирганда, ўйинимиз сифати ҳам ўсаётгани таъкидлаш жоиз. Бироқ камчиликлар ҳам йўқ эмас. Бу асосан рақибга нисбатан майдон марказида прессинг уюштиришда кузатилмоқда. Қатар тўп билан яхши муомула қиладиган жамоа, бугунги баҳсда майдон марказида уларга қарши прессинг уюштиришда хатолар бўлди. Бу камчиликлар устида ишлашда давом этамиз. Шу боисдан ҳам баъзи пайтлар ўз ҳудудимизга қайтиб тўпни олиб қўйишга интилдик. Тезкор қарши ҳужумларга ўтишда ҳам яхши ҳаракатландик. Жамоада қачонки тартиб бўлса, унда ҳужумга ўтиш шунчалик осонлашишини бугун амалда кўрдик. Ҳаммаси тартибга боғлиқ. Бетартиб ўйнаш оқибатида эса кўпроқ ҳимояда қолиб кетишга тўғри келади. Умумий хулоса қиладиган бўлсам, дастлабки иккита ўртоқлик ўйинлари билан таққослаганда, жуда катта ўсишни кўрдим", - дея ўз фикрларини билдириб ўтди Эктор Купер.


- Ҳақиқатдан ҳам ўйинда сифат қўшилгани, терма жамоанинг қиёфаси шаклланаётгани бугунги баҳсда яққол кўринди. Ҳар томонлама ўсиш кузатилаётгани сезилди. Сўрамоқчи бўлганим, иккинчи йиғин доирасида ўйин ёки натижадан ташқари умумий қандай баҳо берасиз? Яъни, бутун йиғин жараёнидан қанчалик қониқиш хосил қилдингиз ва безовта қилаётган жиҳатлар ҳам борми? (Шаҳбоз Беғамов, "championat.asia")

- Иккинчи йиғин жуда яхши тарзда ўтди. Кўп муаммоларга дуч келдик, дея айтолмайман. Лекин доим қаердадир, қайсидир жиҳатни яхшилаш учун имконият бўлади. Шу боисдан ҳам биз йиғиндан-йиғинга иш жараёнларини яхшилашга ҳаракат қиламиз. Доим талабни ошириб бориш лозим. Талабни ошириш бу нафақат терма жамоа, балки бутун ўзбек футболи фойдасига хизмат қилади.


- Қўл остингида жамоа иккита йиғин ва умумий ҳисобда 4та ўртоқлик ўйинларини ўтказди. Ҳозирги кунда асосий таркибни бутунлай аниқлаб олмагандирсиз, аммо ўзингиз учун Осиё кубогида катта эҳтимол бошланғич таркибда тушадиган 6-7 нафар футболчиларни аниқлаб олдингизми? Ўзини бошланғич таркибга тушишга лойиқлигини исботлаган футболчилар бўлдими? (Улуғбек Мирзаев, "Бунёдкор")

- Ҳозир аниқ терма жамоанинг ўзаги бўладиган футболчилар бор деб айтолмайман. Нимага? Чунки терма жамоада ҳеч кимнинг жойи кафолатланмаган. Масалан ҳозирги кунда яхши ўйнаётган футболчи қитъа чемпионатига яқин ўзини формасини йўқотиб қўйиши ёки даражасидан пастлаб кетиши мумкин. Ҳозирдан кимгадир терма жамоадан ўрин ажратиб қўйишни нотўғри деб ҳисоблайман. Хаттоки терма жамоадаги менинг ўрним ҳам кафолатланмаган. Натижалар ёмонлашиб бошласа, унда менинг ўтирган ўриндиғим ҳам қимирлаб қолиши мумкин. Нафақат футболчиларни, балки Эктор Купернинг ҳам Ўзбекистон терма жамоасидаги жойи кафолатланмаган. Футболчилар билан ўзаро йиғилганда ҳам бир нарсани кўп такрорлайман. Мен уларга доимо футболчининг ҳозирги спорт формасига эътибор қаратишимни уқтираман. Агарда футболчи ўзининг оптимал спорт формасини ушлаб туришга муваффақ бўлса, унда ўша футболчи доим терма жамоада ўйнаши мумкин. Бу ерда соғлом рақобат орқали таркиб аниқланади. Бошқа ҳеч қандай нарсага ўрин йўқ. Ҳеч кимга, хаттоки менга ҳам жой кафолатланмаган.


- Яхши ўйин билан табриклайман. Бугун терма жамоанинг охирги 1-2 йилдаги энг яхши ўйинини кузатдим. Қатар анойи рақиб эмас, аммо шунга қарамасдан терма жамоамиз жуда яхши ҳаракат қилди. Саволим шуки, бугунги баҳсда жуда кўп ҳиссиётларизга берилдингиз. Бу одатий ҳис-ҳаяжон туфайли чиққан эҳтиросларми ёки маълум муаммолар сизни безовта қилдими? Футболчилар сиз қўяётган талабни қанчалик тўғри бажаришмоқда? (Жасур Саломов, "Championat.asia")

- Мен бугун жаҳлим чиққани учун ёки ўйиндан қониқмаганим учун ҳиссиётларга берилганим йўқ. Мен нега кўп баланд овозда гапираман ёки қўл ҳаракатларни амалга ошираман? Чунки бу орқали майдондаги футболчиларнинг фаоллигини оширишга ҳаракат қиламан. Бу қилиқларни ёки эмоцияларни асаб билан боғламаган бўлардим. Тўғри таъкидлаб ўтдингиз, хатолар устида ишлаш керак бўлган жойлар бор. Шу учун ҳам баъзи вазиятларда футболчиларнинг ҳаракатидан қониқмаган ҳолда ҳиссиётларимни кучлироқ намойиш этдим. Терма жамоа билан умумий ҳисобда бор-йуғи 25-28 кун ишладим. Энди эса футболчилар ўз клублари ихтиёрига кетишади ва шу билан бир ойдан сўнг қайтиб келишади. Кейинги йиғинда эса биз қайтадан ўргатган услуб ва тактикамиз асосида шуғулланамиз. Биринчи қиладиган ишимиз - ўргатган услубимизни мустаҳкамлаш. Шунингдек, баъзи бир ўзгартиришларга ҳам қўл урамиз.


- Миср ва Ўзбекистон терма жамоаси футболчиларини ўзаро солиштириб берсангиз. Қайси жиҳатларда улар бизнинг футболчилардан устун ёки кучсиз? (Спортсуз мухбири)

-  Мен ҳозирги кунда Ўзбекистон терма жамоаси мураббийиман. Шу боисдан ҳам мени фақат Ўзбекистон терма жамоаси қизиқтиради. Мисрлик ва ўзбекистонлик футболчиларни солиштиришни маъқул кўрмаган бўлардим. Ўтказилган тўртта ўйин ким учундир баҳо беришга етарли, ким учундир ҳали эрта. Менда ҳалигача Ўзбекистон терма жамоасига кўникиш, футболчиларни ўрганиш жараёни давом этмоқда. Ҳозирданоқ бир нарсани аниқ айтишим мумкин, нафақат футболчиларда учраётган, балки мени олдимда ишлаётган бутун таркиб - камтар. Айнан ўзбекларнинг камтарлиги менда илиқ таассурот қолдирди. Бу мени жуда хурсанд қилди. Ўрганиш жараёнидаги натижа сифатида шуни айтаманки, Мисрда ҳам аввалига камтарликни кўрганман. Лекин бу ердаги шароит аввалги бошланғич даврдагига нисбатан анча яхши. Умумий қилиб айтсам, ҳозирги қўл остимдаги шароитлардан мамнунман.

Рейтинг: +75   

Фикрлар

championat.asia
< сўнгги янгиликларни кўриш
Яндекс.Метрика