Март ойида тўхтаб қолган турнирнинг финал босқичи Лиссабонда август ойида "8 финал" шаклида бўлиб ўтади. Бугун УЕФА ижроия қўмитаси ушбу қарорни маъқуллаши керак.
"Аталанта", "Атлетико", ПСЖ ва "РБ Лейпциг" жамоалари 1/4 финалга аллақачон йўл олишган. Яна тўртта клуб номи 1/8 финал жавоб ўйинларидан сўнг маълум бўлади.
Олдинроқ, "Ювентус" - "Лион", "Барселона" - "Наполи", "Манчестер Сити" - "Реал" ва "Бавария" - "Челси" ўйинлари 7-8 август саналарида бўлиб ўтиши хабар қилинган эди.
Шунингдек чорак финал ўйинлари 12-15 август кунлари, ярим финал ўйинлари 18-19 август кунлари, финал эса 23 августга белгилангани ҳам маълум.
