Дракслер МЮга қарши баҳс ҳақида: "Неймар, Кавани ва Меньенинг йўқлиги бизга ҳалал бермаслиги керак"
12 фев 10:45
Янгиликлар

Дракслер МЮга қарши баҳс ҳақида: "Неймар, Кавани ва Меньенинг йўқлиги бизга ҳалал бермаслиги керак"

ПСЖ ярим ҳимоячиси Юлиан Дракслер "Манчестер Юнайтед"га қарши бўладиган Чемпионлар лигаси 1/8 финал учрашуви ҳақида фикр билдирди.

"МЮда кучли футболчилар йиғилган, аммо биз ҳақимизда ҳам шундай дейиш мумкин. Афсуски, бизга Неймар, Кавани ва Менье ёрдам бера олмайди. Аммо бу бизга ўз ишимизни бажариш учун ҳалақит қилмаслиги керак.

Бу йил 1/8 финал 2018 йилдагидек бўлмайди. Биз ғалаба қозона олишимизни исботлашимиз керак. Бундай ўйинни ҳамма томоша қилади.

МЮнинг кучини яхши биламиз. Улар сўнгги баҳслардагидек ўйин кўратишади деб ўйлайман. Эртага ҳеч нарса ҳал бўлмайди. Шунчаки тактик кураш бўлади.

Бизга Неймар ва Кавани ёрдам бермайди, шу сабабли Ди Марияга кўп нарса боғлиқ бўлади. Эртага у муваффақиятли ўйин кўрсатади деб умид қиламан" - дейди Дракслер.

Ҳавола :

Манба : UEFA

Янгиликларни Телеграмда ўқинг!

Рейтинг: +4