Диёр Мирзабоев: "Ўйин пайтидаги ўзгаришларни Виктор Кумиков амалга оширмоқда"
06 июл 2020 22:27
Янгиликлар

Диёр Мирзабоев: "Ўйин пайтидаги ўзгаришларни Виктор Кумиков амалга оширмоқда"

Coca Cola Суперлигасининг 8-туридан ўрин олган "Қизилқум" - "Андижон" (1:1) учрашувидан кейин меҳмонлар мураббийи Диёр Мирзабоев ўз фикрларини билдирди.

"Бугунги ўйин ҳақида фикр билдирадиган бўлсам, ғалаб учун келгандик. "Қизилқум" жамоасини охирги ўйинларини кўриб ўрганиб чиққандик. Бугун иккита аутсайдер жамоалар ўзаро тўқнашди дея оламан. Олти очколик ўйин бўлди. Ҳимоядаги қўпол хато сабаб дарвозамиздан гол ўтказиб юбордик. Омадимиз келди, охирида гол уриб дуранг қайд этдик. Натижа адолатли,- дейди Диёр Мирзабоев.

- Ўйин вақтида футболчи алмаштиришни ким амалга оширмоқда?

- Жиззахдаги ўйиндан кейин ҳам айтгандим, Виктор Кумиковда ҳужжатлар билан боғлиқ муаммолар сабаб рўйхатдан ўтмади. Ўйин давомидаги қарорларни ва ўзгаришларни Виктор Балютович амалга оширмоқда.