Диёр Имомхўжаев: "Суперлиганинг 3 мураббийи ПРО лицензияси учун имтиҳондан ўта олмади"

"ОФК талабига кўра Суперлига бош мураббийи албатта Про лицензиясига эга бўлиши шарт. 

ЎФА бизга тақдим этган маълумотга кўра, айни ҳолатда Суперлиганинг уч (!) ва Про лиганинг уч клуби бош мураббийлари Про лицензиясига эга эмас, аниқроғи, улар имтиҳонлардан ўта олмаган. Қайта топшириш имтиҳони март ойига белгиланган. Унга қадар биз мазкур мутахассисларни вақтинча рўйхатдан ўтказиб турамиз. Аммо улар қайта топшириш имтиҳонидан ҳам йиқилса, клуб мазкур мураббий билан шартномани бекор қилиши талаб этилади. Яъни, ОФК лицензиялаш даврига қадар Про лицензияси мавжуд мураббий клуб билан шартнома тузиб улгуриши керак. 

Изоҳ. Март ойида вақтинчалик рўйхатдан ўтказиб туриш масаласи пандемия таъсирида келинган қарор бўлиб, кўплаб мамлакатлар ёпиқ режимда эканидан келиб чиқиб, бир неча ой давомида ўқув курсларини ташкил қилишнинг имкони бўлмади. 

Биз жорий мавсумдан эътиборан Про лига клублари мураббийларидан ҳам секин-аста Про лицензияси талаб қилишни бошладик. Давлат улуши бор бўлган корхона томонидан молиялаштирилаётган клублар қайси лигада ўйнашидан қатъий назар, ОФК талабига жавоб бериши шарт. Улар ўзларига катта ойлик-маош ёзиб олиш учун эмас, биринчи навбатда ОФК ва ЎФА талабини бажаришлари учун молиялаштирилади. Мана шу принципни барча клублар бирдек тушуниб олишлари шарт", - деб ёзади Диёр Имомхўжаев телеграмдаги ўз каналида. 

Реклама