UZ

Сўнгги янгиликлар

21:15Клопп жаҳоннинг энг бақувват футболчисининг хоҳишини бир зумда амалга оширди  1 20:52Coca Cola Суперлигаси. "Қўқон-1912" "Насаф" билан ўйинда ўз майдонида илк бор очко йўқотди  113 20:51Coca Cola Суперлигаси. "Машъал" 10 йиллик танаффусдан сўнг "Локомотив"ни мағлуб этди  25 20:45КАРИКАТУРА. Клопп Гвардиоланинг рекордини янгилай оладими?  1 20:30Зидан Бэйлнинг трибунадаги "қилиқлар"ига муносабат билдирди  6 20:10Азар автомобиллар коллекциясига ярим миллион евролик Lamborghini'ни қўшиб қўйди  10 19:45“Аталанта”нинг етакчи футболчиларидан бири сузиш ҳавзаси четида сирғалиб кетиб, бошидан жароҳатланди  0 19:30“Барселона” Коутиньони АПЛнинг 2 жамоасига таклиф қилди  1 19:18Моуринью Клоппдан фарқли равишда “Ман Сити”дан тақиқ олиб ташланишини “шармандалик”, дея баҳолади  25 18:49Карикатура: Ферги ва Оле даври  4 18:25Клопп "Сити"дан тақиқ олиниши ҳақида: "Мен мамнунман. Агар уларда келаси мавсумда 10-12та ўйин кам бўлганида, АПЛ жамоаларида умуман имкон қолмасди"  8 18:00"Ницца" "Севилья" билан Лопеш борасида музокараларни бошлади  0 17:53Санжар Рашидов ва Шароф Муҳитдиновни табриклаймиз  2 17:30Бразилиялик футболчи "Наполи"дан кетмоқчи  0 17:05Карикатура: "Реал" "Гранада"ни мағлуб этди ва Ла Лига чемпионлигига анча яқинлашиб олди  0

Диёр Имомхўжаев: "Андижон" қандай ҳакамлик билан Суперлигага чиққанди-ю, энди қандай ҳакамлик истайди, деб ёзишни истардим, лекин..." Янгиликлар

Диёр Имомхўжаев: "Андижон" қандай ҳакамлик билан Суперлигага чиққанди-ю, энди қандай ҳакамлик истайди, деб ёзишни истардим, лекин..."

ПФЛ бош директори маслаҳатчиси Диёр Имомхўжаев телеграмдаги ўз каналида "Андижон" - "Сўғдиёна" учрашувидан кейинги хулосаларини ёзди.

"Андижонда бўлдим. Ҳакамлик масаласида 200 га яқин эътирозлар телефонимга келиб тушди. Айтишяптики, бундай ҳакамлик билан ўзбек футболи ривожланиб қолмас экан. Шуларнинг ҳаммасига "Андижон" қандай ҳакамлик билан Суперлигага чиққанди-ю, энди қандай ҳакамлик истайди, деб ёзишни истардим, лекин яхшиси жавобсиз қолдираман.

Учрашув комиссари эдим. Вазифам ҳакамлар фаолиятини баҳолаш эмас, бу борада мутахассис ҳам эмасман, стадион атрофида ўтирганлар ҳам мутахассис эмас. Ўзимнинг чекимга тушган ишлар бўйича хулосамни айтайми? Клубингиз Суперлига талабларига тайёр эмас. Мен ишлар пухта йўлга қўйилган демаган бўлардим. Йўқса йил аввалида Краснодардан келган нормал майса, кузга келибоқ ўлиб бўлмасди. Чунки сизда футболчиларга бир қоп пул беришини мақтанадиганлар бор, оддий бир ғалаба учун машиналар совға қиласизлар-у, бироқ майса учун 10 минг долларлик машина олишга пул етмай қолади, майса яшнаши учун керакли воситаларга пул йўқ. Бугун сиз миллиардлаб пул бераётган футболчилар эртага Андижонни тарк этади. Сизга нима қолади? Умуман, "Сўғдиёна"га қарши ўйинда ўша футболчилар ёмон ўйнамади, лекин бир бош устун ҳам бўлмади, тан олинг. Сиз ҳакамнинг 1 та ҳуштаги-ю, дарвозага берилган 2 та зарбага аза очяпсиз. Унгача нима бўлди, "Андижон"нинг ҳамма муваффақиятсиз ўйинларига ҳакамлар айбдор эмасдир?

Бир кун аввал U-21 ўйинида бўлдим. "Сўғдиёна" ёшлари ғолиб чиқди, зўр ўйнашди. Тушунганим шу бўлдики, мухлисларга эрмак керак, гап керак. Улар ҳаттоки ўзининг ёшгина ўйинчисини ҳам аямаяпти, гап билан шундай савалаяптики, ўша футболчига раҳминг келади. Яхши мухлис ўзига тегишли футболчини танқид қилиши мумкин, аммо ҳақорат қилмайди, қўллайди. Эплай олмаса, раҳбарият у билан хайрлашади, тамом. Биласизми нима, Бўстондаги футбол мактаби роса ёқди. Қаердаги нарсаларга миллионларни сарф этавермай, тезроқ шу жойни янада обод қилиш керак. 3 та майдон учун жой етарли, Мираброр Усмоновдан ёдгорлик экан бу жой. Ажойиб база бўлиши мумкин, Қибрайдаги каби. Фақат майдон билан деҳқонлар, фермерлар, чойхоначилар эмас, конкрет соҳа мутахассислари шуғулланса, иш яхшироқ бўлади. Бу борада балки Намангандаги ҳолатдан ўрнак олиш керакдир.

Мана энди Андижонда ўзимга энг ёққан ҳолат ҳақида айтаман, у ҳам футбол билан боғлиқ. Мен ҳақиқий футболни гўнг иси келаётган катта стадионда эмас, катта йўлнинг ичкарисида жойлашган Лимон аренада кўрдим. Бу ерга водийнинг турли шаҳарларидан футболчилар келиб, мини-футбол ўйнашар экан. Кичик стадион атрофи мухлислар билан тўла. Мен борган вақтда ҳакамнинг ўзи йўқ эди, футболчилар бир-бири билан ўзи келишиб, нолимай, чайналмай тўп тепишяпти. Агар вилоятда қачондир футбол зўр бўлса, бу катта жамоанинг эмас, мана шу Лимон аренанинг хизмати бўлади. Мен бунда бир қатор профессионал футболчиларни ҳам учратдим, айрим жамоаларга хусусий тадбиркорлар ҳомийлик қилишини ҳам кўрдим. Агар биз катта футбол учун деб шунча пулни ҳавога учиришда давом этсак, исрофи уради. Ҳакам ҳақида гапиришдан олдин сизлар жамоадан ҳақиқий профессионалликни, захирани талаб қилинг. Ҳакамлар ҳатто Европада ҳам хато қилади. Мана шу хатоларни камайтириш учун ТВ ишлаяпти, VAR ишлаяпти. ЎФА ҳам қачондир етиб келади буларга. Айни вақтда ташкилот терма жамоалар учун тарихда биринчи бор марказ қуриш ниятида, яъни, моддий-техник база ҳақида ўйлаяпти. Пуллар ҳавога эмас, болалар футболига йўналтирилса, Лимон аренада шунчаки яхши футбол учун писабилло пул бераётган одамларнинг ўзи вилоятда яхши бир катта жамоага асос солиш учун бирлашади. Улар пулни чўнтагидан чиқаради, футболни яхши кўргани учун. Қайсики мамлакатда спортнинг бирор тури ривожланиши учун, шу мамлакатда спортнинг шу тури оммалашган, уни кўча ҳолатида ўйнаш учун шароитлар бўлиши шарт.

Юқоридагиларни тўғри ҳазм қиладиган андижонлик дўстларимизга соғлиқ тилайман. Улар каби инсонлар яхши футбол клуби учун муносибдирлар", - деб ёзади Диёр Имомхўжаев телеграмдаги ўз каналида. 


Рейтинг: +83   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг