"Динамо" Тошкентда йиғин бошлади

2018 йилги тайёргарлик режаси доирасида дастлаб 20-28 декабрь кунлари, сўнг 6-30 январь, 5-16 февраль кунлари Самарқанддаги қароргоҳида ўқув-машғулот йиғинини ташкил этган «Динамо» Навоийда «Қизилқум», Қаршида «Насаф», Самарқандда «Сочак» ва «Шердор» клублари билан назорат баҳслари ўтказди.

Энди эса йиғиннинг якуний босқичи пойтахтда бошланди. Илҳом Шарипов менежерлигида, Учқун Қобилов ва Рафаэль Баласанян мураббийлигида икки ҳафта давом этиши кўзланган ушбу йиғин давомида ўртоқлик учрашувлари бўлиб ўтади, шунингдек таркибда бир қатор футболчилар синовдан ўтказилади.