Дилмурод Шавкатов: “Эртага бизни жуда муҳим ўйин кутмоқда”

Чемпионлик учун курашаётган “Локомотив” футзалчилари “Нефтчи”га қарши майдонга тушди. Беллашув 6:2 ҳисобида тошкентликларнинг ғалабаси билан якунланди. Мазкур ўйинда дублга эришган Дилмурод Шавкатов фикрларига қулоқ тутдик. 

- “Нефтчи”  билан ўйин жуда қийин бўлди. Гарчи ғалаба қозонган бўлсакда, улар ҳам етарлича қаршилик кўрсатди. Чунки иккала жамоада ҳам вазиятлар яратилди ва улардан фойдаланишда бизга омад кулиб боқди ва муҳим уч очкога эга бўлдик.

Жорий мавсумда тўпурарлар рўйхатида камида учталикда бўлишни мақсад қилганман. Лекин жамоавий ғалабалар муҳим аҳамиятга эга. “Локомотив” билан чемпионликга эришишни режалаштирганмиз. 

Эртага бизни жуда қийин ўйин кутмоқда. Чунки “Huaxin-Жиззах” сафида миллий терма жамоанинг кўплаб футболчилари тўп тепишади. Жуда муҳим беллашув бўлади, - деди футзалчи.