Диаш "Арсенал"га қарши ўйиндан кейин: "Агар "Сити" борини бериб ўйнаса, уни мағлуб этиш қийин бўлади"

"Нон-стоп режимидаги ўйин жуда қийин ва шиддатли кечди. Уни уйда ва стадионда томоша қилиш ёқимли, лекин бугун икки жамоадан бошқачароқ нарсани кутиш мумкин эмасди, деб ўйлайман. Уч очко олганимиздан жуда хурсандман, тамом. Жуда кескин, кўп дуэллар, юқори прессинг ва тўпга эга бўлишни яхши кўрадиган икки жамоа тўқнаш келди. Яхшиямки, охирида биз юқори поғонага кўтарилдик.

Жамоамиз қанчалик иқтидорли эканини биламиз. Агар боримизни бериб ўйнасак, рақиблар бизни мағлуб этиши қийин.

Буни босқичма-босқич амалга оширмоқдамиз ва ҳали олдинда узоқ йўл бор. Биз кучайиб бориш ҳақида ўйлаймиз. Жамоа учун муҳим кун ва умид қиламанки, биз худди шундай руҳда давом этамиз", – деди Диаш.