Дешам: “Португалия билан ўйинда биз Роналдуни кўрмадик”
12 окт 2020 09:15
Янгиликлар

Дешам: “Португалия билан ўйинда биз Роналдуни кўрмадик”

Франция терма жамоаси бош мураббийи Дидье Дешам Миллатлар лигаси 3-турида Португалия (0:0) қарши беллашувдан кейин ўз фикрларини билдириб ўтди.

“Ҳар иккала жамоанинг ҳимоядаги ҳаракатлари борасида кўпроқ гапиришни истардим. Ярим ҳимоячилар жуда яхши ҳаракат қилишди, бир-бирларини яхши тушунишди. Натижада иккинчи бўлимда биз кўпро ўйинни ўз назоратимизда сақлаб турдик.

Биз ҳар доим бунданда кўпроғига эриша оламиз. Рақибдан келиб чиқиб эҳтиёткорликка асосий урғуни бердик. Шу боис бу беллашувда биз Роналдуни кўрмадик. Мазкур баҳсда ҳужумчиларга жудаям қийин бўлди. Беллашувни ўз фойдамизга ҳал қилиш учун эса сўнгги зарбаларни аниқроқ бериш лозим эди”, дея Дешамнинг сўзларидан иқтибос келтирмоқда УЕФА расмий сайти.

Айни пайтда 3-гуруҳ турнир жадвалида Португалия терма жамоаси 7 очко билан пешқадамлик қилмоқда. Худди шунча очко жамғарган Франция иккинчи, 3 очко билан Хорватия учинчи, ҳозирча мағлубиятлардан боши чиқмаётган Швеция эса сўнгги ўринда бормоқда.

Ҳавола :

Манба : УЕФА расмий сайти

Янгиликларни Телеграмда ўқинг!

Рейтинг: +15