Де Йонг: “Иккинчи бўлимда “Реал” яхши ўйнади. Аммо “Барса” ҳам тўғри йўлда”

“Агар жамоамизнинг сўнгги учрашувларига эътибор қаратадиган бўлсак, жамоамиз тўғри йўлдан кетаётганлигини кўриш мумкин. Аммо биз янада кучлироқ бўлишимиз керак. Айни пайтда “Реал”дан бир очко ортда қолаяпмиз, олдинда кўплаб учрашувлар бор ва биз охиригича кураш олиб борамиз.

Бу оғир кеча бўлди, ютқазиш доим оғир кечади, айниқса классикода имкониятни бой берсанг... умуман биз бу баҳсда ғолиб чиқишимиз ҳам мумкин эди. Айниқса, биринчи бўлимда кўрсатган ўйинимизни кўрсата олсак. Биз яхшироқ натижага лойиқ эдик. Аммо “Реал” иккинчи бўлимда яхшироқ ўйнади, улар бизга прессинг уюштиришди ва бизга ўз ўйинимизни кўрсатиш имконини беришмади”, дейди де Йонг.