UZ

Сўнгги янгиликлар

20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  13 20:32Дунёнинг етакчи лигалари ФИФАни судга бермоқчи  1 20:15"Локомотив" "SWM Motors" билан ҳамкорлик шартномаси имзолади  0 20:00Руслан Аҳмедов: "Биз натижа учун ўйнаяпмиз. Чиройли ўйин иккинчи даражали"  0 19:50Улуғбек Бақоев: "Футболда шунақаси ҳам бўлиб туради"  9 19:33Кварацхелия "Наполи"дан кетмоқчи эмас  2 19:11"Арсенал" Йозуа Киммихга қизиқмоқда  6 18:15ПРО лига. Тошкентда ўтган "Бухоро" - "Хоразм" учрашувида дуранг қайд этилди  14 17:43Винченцо Итальяно мавсум охирида клубдан кетади  0 17:25Альфонсо Дэвис "Бавария" билан янги шартнома имзоламайди  1 17:01"Бунёдкор" янги бош мураббий номини эълон қилди  14 16:20"Евро-2024"да ҳеч ким Англия билан тенглаша олмайди"  14 15:57"Қизилқум" "Локомотив" билан ўйин учун қайдномасини эълон қилди  0 15:26Суперлига. 4-тур учрашувларини ўтказиб юборадиган футболчилар  4

Даврон Файзиев: "Қўқон-1912"ни салкам 90 фоиз футболчи тарк этди..." Янгиликлар

Даврон Файзиев: "Қўқон-1912"ни салкам 90 фоиз футболчи тарк этди..."

«Қўқон-1912» жамоаси бош мураббийи Даврон Файзиев тайёргарликлар ҳақида ўз фикрларини билдириб ўтди.

- «Қўқон-1912» турнирни кутилмаган мағлубият билан бошлади, кейинчалик ўзини тиклаб олди, бу ҳақда нима дея оласиз?

- Рақибни ҳурмат қилган холда айтишим мумкинки, «Андижон-SGS»га қарши дастлабки баҳсда шогирдларим рақибни бироз менсимаган ҳолда ўйин намойиш этишди. Бунинг эвазига жазоландик. Бу масалан жамоавий билан яхшилаб муҳокама қилдик. Кейинги ўйинларда эса улар кўрсатмаларни тўғри бажаришди. Олдимизга қўйган дастлабки мақсадимизга эришдик — гуруҳ босқичидан чиқдик. Келгуси босқичдаги рақибимизни бугунги ўйиндан кейин билиб оламиз. Вазифамиз финалга қадар етиб бориш ҳисобланади.

- Жамоанинг умумий тайёргарлиги ҳақида нима дея оласиз? «Қўқон-1912» Про лигага тушиб кетгач, асосий етакчилари жамоани тарк этди. Янги мавсумда қандай жамоа шаклланмоқда?

- Ҳозирги ҳолатимизни билиб турибмиз. Жамоанинг салкам 90 фоиз футболчи тарк этди. Янги футболчиларни кўрикдан ўтказяпмиз. Ҳозирда сафимизда келган футболчилар яхши ҳаракат қилишмоқда. Албатта, уларнинг барчаси билан шартнома имзолай олмаймиз. Бу борада турнир сўнгида бир қарорга келамиз. Шу боис, жамоага келган янги футболчиларга клуб олдига қўйган вазифаларни тушунтиряпмиз. Ҳозирча 10-11 нафар футболчини кўз остимга олиб қўйганмиз. Қолаверса, маҳаллий ёшларга эътибор қаратишни мақсад қилганмиз. Уларни ҳам жамоага жалб қилганмиз. Ўйлайманки, бу ёшларнинг келажаги порлоқ, фақатгина уларга эътибор қаратиш ва ишонч билдириш керак. Шу билан бирга, Суперлигада иштирок этган бир қатор футболчилар билан музокаралар ўтказяпмиз. Натижа қандай бўлишини вақт кўрсатади. Агар ҳаммаси ижобий якунланса, уларни турнирдан кейин Тошкентдаги йиғинда кўрамиз.




- Селекция ишлари турнир бошлангунга қадар давом этадими?


- Олдимизда кам вақт қолган. Иложи борича, селекция жараёнида хато қилмасликка ҳаракат қиламиз. Клуб ишончини оқлайдиган футболчиларни қабул қилишга тайёрмиз. 15 февраль куни трансфер ойнаси ёпилади. Буни тушуниб турибмиз. Ушбу муддат сўнгигача барча трансферларимизни амалга оширишга ҳаракат қиламиз.

Турнир яхши ўтяпти. Бироқ майдон ҳолати чиройли футбол кўрсатишга халақит бермоқда. Менинг назаримда, турнир савияси аввалги йилларга нисбатан бироз пасайгандек туюлмоқда. Келгуси йиллардаги турнирларда ҳар бир жамоа асосий таркиби билан иштирок этса, мақсадга мувофиқ бўларди. Ушбу мусобақа ҳам қайсидир мураббийлар учун фойдали саналади. Агарда сифатли майдонлар ташкил этилганда, бошқа жамоалар ҳам турнирда иштирок этган бўларди.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика