Даврон Файзиев: "Ўйин сўнггидаги хато туфайли гол ўтказиб юбордик"
05 мар 2016 18:52
Янгиликлар
![](https://championat.asia/upload/storage/200634_original.jpg)
![](/upload/storage/200634_220.jpg)
Даврон Файзиев: "Ўйин сўнггидаги хато туфайли гол ўтказиб юбордик"
"Авваламбор барчани футбол байрами бошлангани билан табриклайман. Ўйин асабий тарзда ўтди. Қизиқарли ўйин гувоҳига айландик. Омад кучлиларга кулиб боқади деган гап бор. Бугун айнан рақибнинг омади келди деб ўйлайман.
Ўйинга яхши тайёргарлик кўргандик. Бекободликларни яхши шаклланган жамоа эканлигини барча билади. 10 киши бўлиб қолганимизга қарамасдан, очиқ футбол намойиш этдик. Ҳисобни тенглаштиришга ҳам муваффақ бўлдик. Лекин, ўйин сўнггидаги хато туфайли гол ўтказиб юбордик. Рақибни биринчи ғалабаси билан табриклайман.
Футбол шуниси билан қизиқ. Шуни ҳам таъкидлаб ўтишни истардимки, ҳакамлар бироз эътиборлироқ бўлишганида бир киши кам бўлиб қолмасдик. У вазиятда қўпол ўйин содир этилмаганди. Бу баҳона эмас. Бўлар иш бўлди. Олдимизда қийин ўйинлар кутиб турибди. Тайёрланишда давом этамиз, ўз майдонимиздаги кейинги ўйинда ғалаба қозонишга ҳаракат қиламиз.
Ўтган йилги билан солиштирганда клуб раҳбарияти, вилоят ҳокимлиги жамоа учун шароитларни яратиб бермоқда.
Янги футболчилар? Қишги йиғинларда ўзларини яхши кўрсатишди. Фақат, жамоага тезроқ мослашиб кетишса яхши бўларди. Албатта, ўртоқлик ўйини ҳамда расмий ўйинни фарқи бор. Ўйлайманки, йигитлар ҳали ўз ўйинларини кўрсата оладилар. Жиямуродов эса универсал футболчи ҳисобланади.
Таваккал қилишимизга тўғри келди. 1:0 дан сўнг олдинга бордик. Ёки дуранг ёки иккинчи голни ўтказиб юборишимиз мумкин эди. Лекин, ўйин сўнггидаги ёш болаларча хато бизга қимматга тушди", - дея ўз фикрларига якун ясади "Сўғдиёна" мураббийи Даврон Файзиев.
Ўхшаш янгиликлар
![AMP Logo](https://championat.asia/image/logo-amp.png)
Фикрлар