Даврон Файзиев: «Олий лигага қайтиш учун бор кучимиз билан ҳаракат қиламиз»

— Бугун анча қизиқарли учрашув бўлиб ўтди. Футболчилар майдоннинг ҳар бир ерида сўнгги дақиқаларгача кураш олиб боришди. Бир неча голли вазиятлар бўлди. Бироқ ҳужумчиларимизда тажриба етишмади. Мавсумни ғалаба билан якунлаганимиздан хурсандман.

— Афсус жамоамиз олий лигани тарк этди. Менимча биз бунга лойиқ эмасдик. Мавсум давомида ўз уйимизда йўқотилган қимматли очколар мавсум сўнггида ўз сўзини айтди. Ўша «Бухоро», «Машъал», «Динамо», «Олмалиқ» жамоаларига қарши кечган Зоминдаги ўйинларда керакли натижаларга эришганимизда аҳволимиз ҳозиргидек бўлмасди. Ҳамма айбни ўз бўйнимга оламан. Меҳмондаги ўтказган ўйинларимизни кузатган мухлислар, мутаҳассислар менимча «Сўғдиёна» ҳақида салбий фикрда бўлмасалар керак.

— Жамоани ўзагини сақлаб қолган ҳолда ишлашда давом этамиз. Бу футбол. Ҳаёт давом этади. Биз албатта олий лигага қайтиш учун бор кучимиз билан ҳаракат қиламиз. Ортга эса йўл йўқ. Яна бир ачинарли томони: Янги стадионни биринчи лигада қарши олишимиз. Менимча буни ҳам ҳеч ким хоҳламаганди.