UZ

Сўнгги янгиликлар

08:35Америка Кубоги-2021. Боливия - Уругвай 0-2  0 08:30Суперлигада 11-тур старт олмоқда: бугун иккита ўйин бор   0 08:13Собиқ футболчи плей-офф ҳақида: "Англияни футбол гиганти кутиб турибди"  0 07:53Франциялик футболчида жароҳат. Аммо у охиригача ўйнамоқчи  0 07:30Инсайдер: "Ювентус" Шомуродов масаласида "Женоа" билан боғланди  21 07:16Америка Кубоги-2021. Уругвай Боливияни мағлуб этиб, плей-офф босқичига чиқди  0 00:55Марсело "Реал"да қоладиган бўлди  1 00:30Канчельскис Ўруновга мос келадиган жамоаларни айтди  30 00:13Эшпириту Санту "Тоттенхэм" вакиллари билан учрашди  0 23:59Клопп Вейналдумнинг ўрнига бошқа футболчи топиб қўйди  0 23:44"Манчестер Юнайтед" Погба билан музокараларни давом эттирмоқда  2 23:23Голларга бой ўтган Ўзбекистон ва Венесуэла футзал терма жамоалари ўртасидаги баҳсдан ГАЛЕРЕЯ  2 23:11Эрнандес Швейцарияга қарши баҳсни ўтказиб юборади  1 22:55"Вест Бромвич" янги бош мураббийни маълум қилди  0 22:30Сурат биздан, изоҳ сиздан!  33

Даъвогар тўртта, ғолиб битта бўлади Янгиликлар

Даъвогар тўртта, ғолиб битта бўлади

Испания чемпионати турдан турга қизимоқда.

Айни пайтга келиб кучли бешлик чемпионатлари орасида энг қизиқарлиси Испания Ла Лигаси бўлиб турибди. Чунки тўртта клуб - "Атлетико", "Реал", "Барселона" ва "Севилья" чемпионлик учун кураш олиб бормоқда.

Мана шу тўрт жамоа иштирокидаги 35-тур ўйинлари диққат-марказимизда бўлди. Бунда ғолибликка даъвогар клублар ўзаро баҳс олиб боришди. "Барселона" ўз майдонида "Атлетико" билан 0:0 ўйнаган бўлса, "Севилья" сафарда "Реал"га қарши 2:2 ҳисобини қайд этди.

Зерикарли ўйин

"Барселона" - "Атлетико" баҳси кўп ҳам қизиқ бўлди деб айтиш қийин. Бунда ҳар икки жамоа аввало гол ўтказмасликка ҳаракат қилди ва жуда эҳтиёткор бўлиб ўйнади. Бир-икки вазиятда Месси катта саҳнага чиқишга ҳаракат қилди, жарима тўпларини тепди, ўйинни бир ўзи ҳал қилишга уринди, лекин кучи етмади. 

Айтиш мумкинки, "Атлетико"ни бир очко қониқтирди. Жамоа жадвалда ҳамон пешқадамлик қилишда давом этмоқда. "Матрасчилар" сафида захирадан майдонга тушган Жоао Феликс ўйин охирларида баҳс тақдирини ўзгартириб юбориши мумкин эди, бироқ унга сал омад етишмади.


Мағлубиятга учрамаган "Реал"

Кеча тунда "Реал" - "Севилья" қарама-қаршилиги кузатилди. Жуда қизиқ тўқнашув бўлди. "Севилья" икки бор ҳисобда олдинга чиқиб ҳам ғалабани ушлаб қола олмади. Агар бу ўйинда андалусияликлар ютиб кетганида борми, турнир жадвали янаям даҳшатли кўриниш оларди.

Ўйиннинг 76-дақиқасида қизиқ ҳолат рўй берди. Қарши ҳужумга чиқиб кетган Карим Бенземани рақиб посбони жарима майдончаси ичида қўполлик билан тўхтатиб қолди. Бу ғирт пенальтига тортадиган вазият эди. Бенземанинг ўзи тўпни қўлига олиб пенальти тепишга ҳозирлик кўра бошлади. Ҳакам пенальти белгилади, фақат бошқа дарвозага. Негаки битта олдинги вазиятда "Реал" футболчиси тўпни қўли билан ўйнаган экан. Ҳакам VARни кўриб, "Реал" дарвозасига 11 метрлик жарима тўпи қўйди, пенальтини эса Иван Ракитич аниқ амалга оширди. 

Учрашув охирига келиб "Севилья"нинг ғалаба қозониши ойдинлашиб бораётган бир пайтда "Реал"ни ҳисобни тенглаштирувчи голни уришга муваффақ бўлди. Ҳакам ўйинга 6 дақиқа қўшди ва қўшиб берилган 4-дақиқа ўтиб бораётган пайтда Тони Кроос узоқдан кучли зарба йўллади. Тўп йўл-йўлакай Эден Азарга тегиб йўналишини ўзгартирди ва дарвоза тўридан жой олди. 

Аввалига сайтлар бу голни автогол сифатида қайд этишди, сўнгра Азар номига ёзилди. Аслида Азар тўп муаллифи бўлди. Энди буни рикошет дейиш керакми ёки Кроосдан қабул қилиб олинган тўп узатишми, бир нарса дейиш қийин. Шундай қилиб "Реал" қийин баҳсда зўрға мағлубиятдан қутилиб қолди.


Чемпион ким бўлади?

Ҳозирда кўпчиликни қизиқтираётган савол шу: Ла Лигада ким чемпион бўлади? Жадвалга қарайдиган бўлсак, "Атлетико" 77 очко билан ҳамон пешқадамлик қилмоқда. "Реал" ва "Барса" ҳисобида бир хил 75тадан очко бор. "Севилья" эса 71 очко билан кучлиларни таъқиб қилишда давом этяпти. 

Ўйин жиҳатдан олиб қарасак, бу йилги чемпионликка "Атлетико" ҳақлидек кўринади. Диего Симеоне шогирдлари мавсумни ҳартугул бир текис ўтказа олишди. "Реал" бир текис ўйинни ҳамон йўлга қўя олмай келаётган бўлса, "Барса"да кадрлар муаммоси кўзга ташланиб қоляпти. "Барселона" ҳимояси-ку бу алоҳида катта мавзу.

"Севилья" Лопетеги қўл остида янаям кучли рақибга айланди. Жамоа ўйинни бир нафасда олиб боради. Лекин пешқадамдан олти очко ортда қолаётгани чемпионликка эришиш учун қийин бўлади. Шундай экан, катта эҳтимол билан ғолиблик масаласи кучли учта клуб ўртасида ҳал бўлади.

Охирги икки тур бир вақтда бошланади

Жамоалар бир-бирларига қарши ўзаро ўйнаб бўлишди. Энди уларни бошқа рақиблар билан ўйинлар кутмоқда. Шундай қилиб ким чемпион бўлишини бошқа ўйинлар кўрсатиб беради. Айтганча, Испания чемпионатининг охирги 2та тури бир вақтда бошланади. 37-тур баҳслари 21:30да, 38-тур эса 21:00да старт олади. Балки чемпион номи охирги турдан сўнг ҳал бўлар.

36-тур

11 май. 01:00. "Леванте" - "Барселона"

12 май. 22:00. "Севилья" - "Валенсия"

12 май. 01:00. "Атлетико" - "Реал Сосьедад"

13 май. 01:00. "Гранада" - "Реал"


37-тур

16 май. 21:30. "Атлетико" - "Осасуна"

16 май. 21:30. "Вильярреал" - "Севилья"

16 май. 21:30. "Барселона" - "Сельта"

16 май. 21:30. "Атлетик" - "Реал"


38-тур

23 май. 21:00. "Вальядолид" - "Атлетико"

23 май. 21:00. "Севилья" - "Алавес"

23 май. 21:00. "Реал" - "Вильярреал"

23 май. 21:00. "Эйбар" - "Барселона"

Муаллиф : Xayrulla Xoliqov
Рейтинг: +3   

Фикрлар

+4   
10 май 14:05:52
FC BARSELONA
Kim chempion bo'lsa ham bu chempionlikning gashti boshqacha bo'ladi
+2   
10 май 15:41:27
WalveRine-_-6
Granada deyarli Barcani chempionlikdan mahrum qildi. Atletiko bunaqa imkoniyatni boy berishiga ishonish endi judayam qiyin
+2   
10 май 14:46:03
LFC ABDULAZIZ фойдаланувчининг фикрига жавоб бериш
Granada yoradi, Realni qarab turinglar
Real yorsachi, qanaqa ahvolga tushasiz,menku futbol-da deyman agar siz aytgan narsa bölsa.
+1   
10 май 14:06:38
Fil Foden
Viva Barca !!
   
10 май 22:28:23
реални таквими огиррок экан
   
10 май 19:55:24
Bahodir Nurmatov
REAL FC 97_9601616 фойдаланувчининг фикрига жавоб бериш
REAL. BU BARSA EMAS. Granadani Grandlar sikadi.
Real. Bu Barca emas. Granadani grandlar sikadi.
Real emas.
   
10 май 16:26:41
guli9220@email/uz
Chempionlikni qolga kiritgan klub Qaysiki Chempionlikni qolga kirita olamgan klubga jazodir. ushanda bu yil xatolari va kamchlilliklarini tushunib yetadi.
   
10 май 16:19:10
guli9220@email/uz
Lanjlanib o`ynamagan. uyqudan uygongan tush kormayoran. Chempi0nlikni yurakdan istagan. xis qilgan va Dadil o`ynagan klub chempion bo`ladida. bu yil. Uning uchun xohish istak bolishi kk Durrang oynab tursa nimani kutsa boladi
   
10 май 14:13:52
FREND UZBEKISTAN
Barsaga so'ngi daqiqagacha chempion bo'lishini kutamiz.
-1   
10 май 15:18:36
REAL FC 97_9601616
LFC ABDULAZIZ фойдаланувчининг фикрига жавоб бериш
Granada yoradi, Realni qarab turinglar
REAL. BU BARSA EMAS. Granadani Grandlar sikadi.
-1   
10 май 14:08:37
Yoqubjon O'zbek
Bu yerda eng katta g'olib bukmerlik konpanyalari boldi
-2   
10 май 14:19:34
LFC ABDULAZIZ
Granada yoradi, Realni qarab turinglar
-2   
10 май 14:04:02
А.А
Севилья чемпион.
championat.asia
< сўнгги янгиликларни кўриш
Яндекс.Метрика