Дани Алвес: “Пул ҳеч қачон футболга қарашларимни ўзгартирмаган”

“Мен барча “Ювентус” мухлисларидан миннатдорман. Мен клубга доим ҳурмат билан муносабатда бўлганман ва борлиғим билан жамоа янада яхши бўлиши учун ҳаракат қилганман. Мухлислардан, қачондир уларни ҳақорат қилган бўлсам, узр сўрайман. Ҳеч қачон уларни хафа қилиш ниятим бўлмаган.  Ҳа, мен шундай қарор қабул қилдим. Менинг ҳаёт тарзим шунақа. Аммо буни ҳамма ҳам тушунмайди.  Аммо мен ҳар қандай ишни чин дилдан қиламан. Нимани ҳис қилсам, доим ўшани гапираман.  Ўз ишини устаси бўлган “Ювентус” раҳбариятига ҳам алоҳида ташаккур билдираман. Мен футболни пул учун ўйнамайман. Ўз касбимни севганим учун ўйнайман. Мен футболни севаман ва пул мени ҳеч қачон футболга бўлган қарашларимни ўзгартирмайди”, деди бразилиялик ҳимоячи.