- Damir, o'tgan yili "Xorazm" safida ajoyib mavsum o'tkazdingiz. Joriy mavsum oldidan sizda qanday takliflar bor edi?
- Menga birinchi bo'lib "Aral Samali" jamoasi taklif bilan chikdi. Klubdagi sharoitlar menga maqul keldi va qolishga qaror qildim. "Aral Samali" ga yordam berayotganimdan xursandman.
- Bu yil "Aral Samali" jamoasi o'z oldiga kanday maqsadlarni qo'ymoqda?
- Bizda hozir mahalliy futbolchilardan tashkil topgan yaxshi jamoa shakllangan. Maqsad xar bir o'yinda g'alaba qozonib muxlislarni xursand qilish. Ammo rahbariyat hali biz bilan uchrashgani yo'q..
- PRO-Liganing 2-turida sobiq jamoangizga qarshi maydonga tushasiz...
- Avvalo "Xorazm" jamoasiga omad tilayman. Ikkala jamoa o'rtasidagi o'yinlar hamisha shiddatli va qizikarli kechadi. Bejizga bu kabi uchrashuvlarga derbi maqomi berilmaydi.
- Qoraqolpog'iston futboli rivojlanishida va tanilishida hissasini qo'shgan insonlardan kimlarni ayta olasiz?
- Xozir bizda futbol rivojlanishida ko'pchilik mehnat qilishmokda. Nematillo Quttiboevning mehnatlari alohida e'tiborga molik. U kishi yosh futbolchilardan o'z mehnatlarini ayamasdan Superliga jamoalarida o'ynab ketishiga yo'l ko'rsatib bergan.
- Futbolga kirib kelishingizga kim sababchi bo'lgan? Birinchi murabbiyim deb kimni aytgan bo'lardingiz?
- Futbolga kelishimga akam sababchi bo'lgan. Birinchi murabbiyim esa Ravshan aka bo'ladilar.
- Bu yil PRO-Liga jamoalari orasida kaysi jamoaning Superligaga chikish uchun imkoniyatlari yukori baholaysiz?
- Xozircha barcha jamoaning imkoniyati bir xil, lekin Farg'onaning "Neftchi" jamoasida Superligaga chiqish uchun imkoniyat yuqori deb bilaman.
- Kuchli beshlik chempionatlari orasida kaysi jamoaga muxlislik kilasiz? Shuningdek, qaysi xorijlik futbolchining harakatlari sizga yoqadi?
- Ispaniyada "Barselona"ga muxlislik kilaman. Angliyada esa Kevin de Bryuneni hatti-harakatlarini o'zimda o'zlashtirib maydonda takrorlashga harakat kilaman.
- Suhbatimiz yakunida futbol muxlislariga tilaklaringiz...
- Niyatim avvalo yurtimiz tinch bo'lsin, Qoraqolpog'istonga ham katta futbol qaytsin, yurtimiz stadionlari hamisha futbol muxlislari bilan to'lib toshsin.
Timur Ibragimov yozib oldi
