UZ

Сўнгги янгиликлар

22:15ПСЖ раҳбари: "Бошқа чидаб тура олмайман"  6 21:50Суперлига. "Пахтакор" Муҳсин Муҳаммадиевнинг дебютида "Бухоро"ни 5:0 ҳисобида мағлуб этди  294 21:48Копа Америка-2019. Қатар мусобақага тайёр  4 21:40Сарри фақатгина Моуриньодан ортда қолди  2 21:33"Андижон" - "Металлург" 1:1. Барча голларни томоша қилинг  3 21:25Ўз дарвозасига мотоциклда қайтган дарвозабон  4 21:25Суперлига. "Навбаҳор" Олмалиқда сўнгги дақиқаларда ғалабани қўлдан чиқарди  106 21:24Андрей Шипилов: Қайд этилган натижа адолатли бўлди  3 21:11Вадим Абрамов: "Бундай иссиқда галстук тақишнинг нима кераги бор?"  24 21:09Александр Хомяков: "Биз бугун ғалабага мос ўйин кўрсатмадик"  5 20:56"Барселона" яқин вақтларда трансферлардан 65 миллион евро ишлаб олади  4 20:49"Азиз Ғаниев четга кетса, ўзбек футболи учун фойдали бўлади" - Рўзиқул Бердиев иштирокида матбуот анжумани  14 20:41"Рома" бир йўла уч трансферни эълон қилиши кутилмоқда  3 20:28Хуммельс "Боруссия"га қайтмоқда  4 20:14Абрамович Лэмпардга икки мавсум имкон беради  4

Даҳшат! Ҳафтада икки марта машғулот ўтказадиган уэльслик талабалар Европа лигасига чиқишди Янгиликлар

Даҳшат! Ҳафтада икки марта машғулот ўтказадиган уэльслик талабалар Европа лигасига чиқишди

Уларнинг орасида хатто чўпон ҳам бор.

Кўпчилик мавсумнинг энг кутилмаган жамоаси сифатида "Аякс"ни кўрсатишмоқда, аммо бу қандай қарашга боғлиқ. Амстердамликларда бунинг учун етарли даражада юқори савия мавжуд эди, "Кардифф Мет Юниверсити" эса еврокубокларга чиқиши эса ҳақиқий мўжиза. Ўтган ҳафта охирида Уэльс клуби Европа лигаси-2019-20 саралашига чиқшди, бироқ бу университет жамоаси ҳисобланади.


"Кардифф Мет Юниверсити" маҳаллий Кардифф Метрополитан Университетига қарашли. Бу олийгоҳда 11 минг талаба санъат, дизайн, спорт менежменти ва тиббиёт йўнлишларида ўқийди. "Кардифф Мет"да фақат университетда ўқиганлар ўйнайди: Амалдаги талабалар, маърузачилар, клуб академиялари мураббийлари. Жамоа асосан уэльсликлардан иборат, аммо таркибда инглизлар ва битта финляндиялик мавжуд. Ўртача ёш - 21-22.


Футболчилар ўзларини ярим профессионал деб ҳисоблашади ва ҳар ҳафта икки марта (душанба ва пайшанба) университет майдонларида шуғулланишади. "Биринчи навбатда биз бу ерда ўқиймиз ва дарс берамиз. Мен "Спорт ва жисмоний тарбия" йўналишида таҳсил оламан, ўқитувчилар жамоа ҳақида билишади ва дарсга келмасак, бизни жазолашмайди" - дейди "Кардифф Мет" ҳимоячиси Дилан Риз.


"Барча футболчилар - ажойиб талабалардир, улар кўп ишлашади ва ўқишни унутиб қўйишмайди. Тўққиз нафар футболчида магистр даражаси мавжуд, қолганлар эса PhD (фан номзодига ўхшаш даража) олишмоқда. Асосий йўналишлар: мураббийлик, спорт психологияси ва аналитика. Жамоамизда турли хил инсонлар тўп тепади. Масалан, Жоэль Эдвардс икки йил олдин "Херефорд" сафида 9 ва 11-дивизион жамоалари ўртасидаги Кубок финалида "Уэмбли"да ўйнаган. Эмин Льюис эса сайёрамизнинг энг оддий инсони, ёзда у чўпонлик қилган" - дейди ҳужумчи Элиот Эванс.


"Кардифф Мет Юниверсити" 1964 йилдан бери мавжуд, Жамоа қуйи дивизионларга тушиб кетган, номини ўзгартирган - ҳозирги номини эса 2000 йилда олган. Жамоа 1620 мухлис сиғадиган стадиончада ўйнайди. Ушбу аренанинг хатто 4дан 1 ҳам тўлмайди - ўйинларга ўртача 300 киши ташриф буюради. Уч йил олдин "Кардифф Мет Юниверсити" тарихда биринчи марта Уэльс Премьер-лигасига чиқди. Ҳеч қачон чемпион бўлмаган, аммо уч марта Уэльс Лига Кубогида зафар қучди.


Эмблемада - камончи ва уэльсчада ёзилган деярли ўқиб бўлмас сўзлар бор: "I lwyddo, rhaid chwarae" (Ўйнанг ва муваффақиятга эришинг).

Ўйнашди ва муваффақиятга эришишди. 2019 йил, 19 май.



Талабалар биринчи марта еврокубокка чиқишди - мураббий чимда сирпанди, футболчилар ғалабани ичимлик билан нишонлашди

Қишки танаффусдан сўнг Уэльс чемпионатининг 12та клуби 2та олтиталик жадвалга ажратилади: Бизнинг "Кардифф" қуйи олтиликда биринчи бўлди, яъни тўлиқ жадвалда 7-ўринни эгаллади ва шундан сўнггина Европа лигаси саралашида ўйнаш имкониятини қўлга киритди. "Кардифф Мет" финалда кетма-кет 5  йил еврокубоклар саралашларида иштирок этган "Бала Таун"ни мағлуб этди.


623 мухлис. Асосий вақтда 1:1. Пенальтилар сериясида 3:1.


Ғалабадан сўнг жамоа бош мураббийи Кристиан Эдвардс ёрдамчисини қучоқлаб, чимда сирпанди. Эдвардс футболчилик фаолияти давомида "Суонси", "Ноттингем Форест" ва "Бристол Роверс"да ўйнаган, ҳозир эса Кардиффда мураббийлик қилади ва бўлажак мураббийларга маъруза ўқийди. Бу эса унинг университетдаги карточкаси. Унда мутахассиснинг электрон почта манзили ва илмий ишлари кўрсатилган.



Футболчилар Эванснинг устига чиқишди, 220 км йўл босиб келган жамоа мухлислари билан хурсандчилик қилишди.


"Бу муваффақиятга бир неча йил интилдик, энди эса BT Sport ва BBC биз ҳақимизда гапирмоқда. Ўйин бўлган стадионда ичимлик ичганимиздан сўнг, байрамни пабда нишонладик. Аммо университетда машҳур эмасмиз. Йигитлар бизни танишди, бироқ биздан буни қандай уддалаганимиз ҳақида сўрашди" - дейди ҳимоячи Дилиан Риз.

"Ажойиб он. Ҳамма профессионаллар ҳам еврокубокларга чиқавермайди. Кардиффга қайтишдан олдин жамоамиз вакили Уилл Эванс отасининг пабига бордик ва бир неча соатни ўша ерда ўтказдик" - дейди ҳужумчи Элиот Эванс.


"Кардифф"га биринчи курсда келган посбон учта пенальтини қайтарди

"Ҳиссиётларни жиловлай олмадик, кўз ёшлар ва қучоқлашлар бўлди. Сўнгги беш йил ичида бирорта пенальти қайтармадим, аммо буни керакли пайтда амалга оширдим. Шунчаки клубдаги таҳлилчилар биз билан ҳар ҳафта ишлашади, рақибни таҳлил қилишади, шу сабабли "Бала Таун"нинг жорий мавсумдаги барча пенальтиларини кўрган эдим. Учрашувдан олдин эса сув идишга шпаргалка ёпиштириб қўйдим ва улар қаерга тепишини қараб олдим" - дея хурсандчилигини яширмади "Кардиф" посбони Уилл Фуллер.


Фуллер - учрашув қаҳрамонларидан бири - спорт психологияси магистри, госпиталда ишлайди ва ҳеч қачон профессионал футболчи бўлмаган.


У клубга биринчи курслигида келган: Фаолиятини Уэльснинг тўртинчи даражали дивизионида бошлаган, энди эса Европа лигасида ўйнайди. У келажакда профессионал футболчилар сафида тўп тепмоқчи.


Тўхтанг, Уэльс чемпионати ўзи нима? Нега "Кардифф Сити" ва "Суонси" Англия тизимда ўйнайди?

"Кардифф Сити" жорий мавсум АПЛда жон сақлаб қола олмади ва Чемпионшипга тушиб кетди, "Суонси" эса бу лигадан қайта олмаяпти. Англияда "Рексхэм" (бешинчи лига) ва "Ньюпорт Каунти" (тўртинчи лига) бор. Бу клублар доимо Англияда ўйнаган.


1992 йилгача Уэльс чемпионати бўлмаган, барча клублар инглиз тизимида яшаган, аммо уэльсликлар ўз лигасини яратганидан сўнг, тўрт жамоадан бошқа ҳаммаси ватанга қайтган.


Аслида Уэльс чемпионати - бу ғам. Улар УЕФА рейтингида 48-ўринда - Люксембург, Арманистон, Мальта ва Эстониядан пастда. Бутун Уэльс футболчи учун еврокубоклар чўққиси Чемпионлар лигаси саралаш босқичининг учинчи раунди ва Европа лигаси квалификациясининг учинчи босқичи.



Талабалар футбол учун пул олишмайди. Европа лигаси ўйинларининг мукофот пулларини ҳозирча муҳокама қилишмади

Дарвозабон Фуллер: "Биз футболга бўлган меҳримиз учун ўйнаймиз".


Гол муаллифи Эванс: "Ҳа бизга пул тўлашмайди, клуб янги ўйинчиларга пул сарфламайди. Баъзиларга ўқиши учун ёрдам беришади, аммо бу арзимаган пуллар. Клуб бизга пул эмас, ривожланиш беради, биз футбол ўйнаб, мураббийлик курсларига қатнаймиз.


Европа лигаси учун мукофот пуллари бўлиши керак, аммо буни мураббийлар билан муҳокама қилиш лозим".


Европа лигаси - кейинчи?


Европа лигаси саралашига чиқиш талабалар клубига 220 минг евро олиб келди. Олдинда саралашнинг тўртта раунди бор, ҳозирча танаффус - тикланиш ва таътил учун 2 ҳафта. Машғулотлар 3 июндан давом этади, пенальтилар серияси қаҳрамони Эванс эса Дубайда қуёшда тобланиб келади. У иккинчи ёки учинчи босқичгача бормоқчи.

"Қийин бўлиши аниқ, аммо тайёрланяпмиз. Орзуим - севимли клубим "Манчестер Юнайтед"га қарши ўйнаш. Ҳаммада орзу бор, тўғрими? Келажакда футболда ишламоқчиман - юқори савияда ўйнаш ва мураббийлик қилиш нияти бор, шу сабабли ўрганишда ва ўйнашда давом этаман" - дейди Эванс.


"Мен ҳам "Манчестре Юнайтед"га мухлислик қиламан. Агар бир-иккита раунддан ўтсак, улар билан баҳс ҳақида орзу қиламан. Аммо асосий мақсадим - профессионал футбол вакилига айланиш ёки жисмоний тарбия ўқитувчиси бўлиш" - дея сўзларига якун ясади Дилан Риз.


"Кардифф Мет" 11 июнь куни рақибини билиб олади, аммо уларга қарши ўйнаши мумкин бўлган клублар мамлакати маълум: Косово, Шимолий Ирландия, Сан Марино, Люксембург, Андорра, Гибралтар ёки Фарер ороллари. Кейинги босқичларда "Глазго Рейнжерс" ёки "Вулверхэмптон" рақиб бўлиши мумкин.


Демак, келаси мавсум Европа лигасида қайси клубга мухлислик қилишимизни аниқлаб олдик.

Рейтинг: +84   

Фикрлар

+14   
23 май 17:36:06
M
endiyam ozbek futboliga kongil qoladimi..
+9   
23 май 17:28:37
Hammasi vatan uchun
Xattoki ularni universitet jamoalarini formalari bizni Milliy terma jamoamizdan ham ancha sifatli ekan
+8   
23 май 19:59:19
Shox_Madridist
Bular antaliyaga borib dam olmaydi,savunnaga bormaydi,qo'yni dumbasiga osh yemaydi,tog'alari federatsiyada ishlamaydi...Agar shu sharoitlar bo'lsa CHempionlar ligasi finalidada)))
+8   
23 май 17:51:34
Eriksen23
Maqolaga klass!
+6   
23 май 17:54:48
PFL AUT
Таккослаш учун, Уша чупонлар уйнайдиган лигада бизнинг МТЖмизнинг энг яхши футболчилари О.Ахмедов В.Динесевлар уйнашган.
+5   
23 май 17:18:48
Gennaro Gattuso
Etlada huddi ertakka o'xshidi
+4   
23 май 17:38:16
Azamatjon Dehqonov
Shunchaki DAXSHAT...
+3   
23 май 23:30:20
Wolverhampton
Qoyil adminlar mani fikrimni eshitishipti! Lekin bir narsa alam qiladi shu Kardiff Met Jamoasi ELda Wolverhamtonimga qarshi uynasa nima qilishimni bilmay qolaman shekilli agar shu bosqichgacha yetib borishsa man shu noprofessionallarga muhlislik qilaman gapimga javob!
+3   
23 май 21:16:45
"FC Nasaf" best of the best
Professional bolmagan jamoa elda oynaydi. Bu paytda bizning federatsiya "e4ki qasami"lik qilib oz sozida turolmayabdi. Qoyil bu jamoaga omad tilab, ufa kalamuwladan tozalaniwini kutib qolamiza!
+2   
24 май 00:37:10
Muhammad Amin Mamatxanov
Adminla iloji bosa videosini qoysela yaxwi bolardi
+2   
23 май 23:43:14
Wolverhampton
Abdunazar фойдаланувчининг фикрига жавоб бериш
"Sher yurak" Kinosi va Mel Gebson. Uels davlatimi.
Scotlandia yani Shotlandiya xaqida u film Uels va Shotlandiyani 1, 200 kilometr ajratib turadi!
+2   
23 май 22:41:28
Abdunazar
"Sher yurak" Kinosi va Mel Gebson. Uels davlatimi.
+2   
23 май 20:27:39
Betaqlid
O'rgan Paxtakor!
+1   
24 май 10:54:51
Farab
Ultraspaxtakor фойдаланувчининг фикрига жавоб бериш
Boldide wunga wuncami harnarsaga ozimizikla bn soliwtrurakande tobutimizi. Uwala kotarmidi babr
Nima? sizzi fikrizca tobutizzi bizani dumbul tente futbalistla kotaradimi/
+1   
24 май 00:15:40
AGMK fc
Betaqlid фойдаланувчининг фикрига жавоб бериш
O'rgan Paxtakor!
Paxtakor faqat pora berib chemlion bo'ladi buning ta'siri osiyoda bilinmoqda
championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг