Coca Cola Суперлигаси. 9-турда "Навбаҳор", "Локомотив" ва "Сўғдиёна"да биттадан йўқотиш
11 июл 2020 15:32
Янгиликлар

Coca Cola Суперлигаси. 9-турда "Навбаҳор", "Локомотив" ва "Сўғдиёна"да биттадан йўқотиш

Эртага, 12 июль куни Coca Cola Суперлигасида 9-тур ўйинлари бошланади.

Мазкур турни уч нафар футболчи сариқ карточкалари 4тага етгани боис ўтказиб юборади.

"Навбаҳор" ярим ҳимоячиси Иван Соловьёв ўтган тур "Бунёдкор" билан баҳсда сариқ карточка олгани учун "Қизилқум" билан ўйинни фақат томоша қилади холос.

"Локомотив" ҳимоячиси Даврон Ҳошимов эса "Сурхон" билан учрашувда огоҳлантирилди ва энди "Машъал" билан ўйинда қатнаша олмайди.

"Сўғдиёна" ҳужумчиси Шоҳруз Норхонов "Бухоро" билан ўйинда сариқ карточка билан жазоланганди, шу боис эртага "Металлург"га қарши баҳсда жамоадошларига ёрдам бера олмайди.