"Челси": "Янги хўжайинлар мураббийни алмаштириш вақти келди деб ҳисоблашди"

Сал олдин "Челси" 49 ёшли мутахассис билан ҳамкорликни тўхтатганини маълум қилди.

"Челси"даги барчанинг номидан клуб Томас ва унинг штабига ушбу даврдаги ҳаракатлари учун миннатдорлик билдиради. Томас Чемпионлар Лигаси, Европа Суперкубоги ва клублар ўртасидаги Жаҳон чемпионатидаги ғалабалар билан ҳақли равишда "Челси" тарихидан ўз ўрнини эгаллайди.

Янги эгалар клуб бошқарувида 100 кун ўтказишди. Улар клубни олдинга силжитиш учун астойдил ҳаракат қилишда давом этмоқдалар. Янги хўжайинлар мураббийни алмаштириш вақти келди деб ҳисоблашди.

"Челси" мураббийлар штаби жамоани бўлажак ўйинларга тайёрлаш ва машғулотларини ўтказишни ўз зиммасига олади. Клуб янги бош мураббийни тайинлаш йўлида шиддат билан ҳаракат қилмоқда.

Янги бош мураббий тайинланмагунча бошқа изоҳ берилмайди", – дейилади расмий баёнотда.

Тухель "Челси" бошқарувига 2021 йилнинг январида келган эди.